М.Ганбаатар "Нүхт"-ийн аманд ноёрхлоо тогтоохоор санаархаж байна уу?

ХУД-ын Дөрөвдүгээр хороо, Нүхтийн ам руу автомашинтай иргэдийг утасны дугаар, гарын үсгээр нь бүртгэж байж нэвтрүүлдэг болжээ. Үүнээс үүдэн тус орчимд амьдардаг иргэд гэр лүүгээ орж чадахгүйд хүрсэн тухай гомдол мэдээлэл манай редакцид ирсэн юм.

Энэ асуудлаар манай редакцитай холбогдсон иргэн "Д.Мөнхбат гэх хүн гэнэт СӨХ байгуулж, тухайн орчимд амьдарч байгаа өрхүүдээс сар бүр 100 мянган төгрөг хураахаа мэдэгдсэн. Гэнэт л нэг өдөр биднийг оруулахгүй болчихсон. Мөн дээрээс нь  зам зассан гэх үндэслэлээр өрх бүрээс ХОЁР сая төгрөг нэхэмжилж байгаа. Хэрэв энэ мөнгөө төлөхгүй бол гэр лүүгээ орох боломжгүй гэсэн. Энэ үйл ажиллагааг Макс группын Ерөнхийлөгч М.Ганбаатар санхүүжүүлэн зохион байгуулсан гэх яриа байна. Ямар ч байсан тодорхой эрх бүхий 20 гаруй албан тушаалтнууд "Нүхт"ийн Corparate зочид буудалд уулзалдан дээрх үйл ажиллагааг зохион байгуулж, СӨХ байгуулсан юм байна лээ. Д.Мөнхбат гэдэг хүний хувьд өмнөд Зам тээврийн хөгжлийн сайдын зөвлөх хийж байсан. МАН-ын нөлөө бүхий албан тушаалтнуудтай холбоотой, одоогийн зарим сайд нарын ойрын хүн гэсэн яриа байна" гэсэн мэдээллийг өглөө. 

Ийнхүү нэг хэсэг хүмүүсийн эрх ашгийг гүйцэлдүүлэх үйл ажиллагаа  800 гаруй айлыг эрх ашгийг хөндөж эхэлжээ. Уг нь бол Богдхан уулын Дархан Цаазат газарт байрлах уг газарт  СӨХ дур мэдэн үйл ажиллагаа явуулах боломжгүй юм. Гэвч өнөөдөр Д.Мөнхбат гэх хүн НҮХТИЙН аманд СӨХ-ийн гэх тустай байшин барин төвхнөж, айл өрхүүдээс мөнгө шаардаж эхэлжээ.