"Моннис майнинг"-д 107 тэрбум төгрөгийн зээл олгосон эзэн нь УИХ-ын гишүүн Г.Амартүвшин

Хөгжлийн банкны чанаргүй зээлдэгчид зээлээ төлж барагдуулахгүй бол өр нь Засгийн газарт шилжих талаар тус банкны Гүйцэтгэх захирал Н.Мандуул мэдээлэл олон нийтийн шүүмжлэл дагуулж буй. 

Тэгвэл уг асуудалтай холбогдуулан АТГ-аас хяналт шалгалтын ажлыг эрчимжүүлсэн гэх мэдээлэл байна. Эрх баригч хүчний зүгээс "Зээл авч зориулалтын бусаар ашигласан, санаатайгаар зээлээ төлөхөөс зайлсхийсэн, гэрээний үүргээ биелүүлээгүй аж ахуйн нэгжүүд болон эдгээр байгууллагад зээл авахад эрх мэдлээ урвуулан ашиглаж нөлөөлсөн улстөрчид, албан тушаалтнуудтай аль нам засгийн эрх барьж байсан, аль нам засгийн эрх барьж байгаагаас үл хамааран нам харгалзахгүй хатуу тэмцэх болно" хэмээн мэдэгдсэн.

Тэгвэл ийнхүү бүх л бүтэн банкны үйл ажиллагааг доголдуулахад хүргэсэн үе үеийн удирдлагуудад, албан тушаалтнуудад хариуцлага тооцох асуудал яригдах нь зүйн хэрэг юм.

Тухайлбал, УИХ-ын гишүүн Г.Амартүвшин Хөгжлийн банкны захирлаар ажиллаж байсан 6 сарын хугацаандаа буюу 2019 оны 8 дугаар сар "Моннис майнинг" ХХК 107 гаруй тэрбум төгрөгийн зээлийг олгожээ. Харин өдгөө тус зээлээс 20 тэрбум төгрөгийн зөрчил үүссэн байж болзошгүй байна.