САЙХАН МЭДЭЭ: Ё. Басхүү АЛТАН МЕДАЛЬ хүртлээ

Moderator

2022/02/06

Парисын “BERCY ARENA”-д болж буй энэ оны эхний “Их дуулга” тэмцээний эхний өдөр манай 8 жүдоч хүч үзэж, -66 кг-д Завхан аймгийн Нөмрөг сумын харьяат, Хилчин спорт хорооны тамирчин, ДАШТ-ий хүрэл медальт Ёндонпэрэнлэйн Басхүү алтан медаль хүртлээ.

Ё.Басхүү С хэсгийг тэргүүлэн барилдаж, эхний тойрогтоо гоц мөргөөд хоёрын даваандаа 2015 оны залуучуудын ДАШТ-ий хүрэл медальт БНСУ-ын Ким Чан-Юүнийг 2:56 минутад, хэсгийн аваргын төлөө Финландын Луукас Сахаг 2:34 минутад тус бүр вазари үнэлгээ аван үргэлжлүүлэн даралтаар цэвэр яллаа. Улмаар хагас шигшээд олимпын мөнгө, ДАШТ-ий хүрэл медальт Гүржийн Важа Маргвелашвилиг торгуулиар ялснаар олимпын мөнгө, хүрэл, дэлхийн аварга БНСУ-ын Ан Баультай аваргын төлөө хүч үзэн, торгуулиар ялалт байгууллаа.

Сэтгэгдэл (0)

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.

Сэтгэгдэл бичигдээгүй байна

Сүүлд нэмэгдсэн мэдээ