Ч.Хүрэлбаатар: Амаа мэдэж бурцгаана шүү. Хариуцлагагүй зээл олгож, улсыг хохироочихоод, хохирлоо Засгийн газраар төлүүлэх юм гэнэ

Moderator

Өчигдөр 20 цаг 12 минут

Монгол Улсын Хөгжлийн банкны олгосон нийт зээлийн 55.3 хувь нь чанаргүй зээлийн ангилалд ороод байгаа талаар өнгөрсөн долоо хоногт мэдээлсэн.

Харин өнөөдөр Хөгжлийн банкны чанаргүй зээлдэгчид зээлээ төлж барагдуулахгүй бол өр нь Засгийн газарт шилжих талаар тус банкны Гүйцэтгэх захирал Н.Мандуул мэдээлэл олон нийтийн шүүмжлэлийг дагуулж байна.

Дээрх мэдээлэлтэй холбогдуулан УИХ-ын гишүүн Ч.Хүрэлбаатар "Амаа мэдэж бурцгаана шүү. Хөгжлийн банк олгосон зээлээ өөрсдөө хөөцөлдөж төлүүлэх ёстой. Хариуцлагагүй зээл олгож, улсыг хохироочихоод, хохирлоо Засгийн газраар төлүүлэх юм гэнэ. Цаашид Хөгжлийн банк зээл олгож, тэр зээл нь төлөгдөхгүй байвал Засгийн газар төлж явах уу? 2013 онд “Эрэл” аваад төлөөгүй 158.7 тэрбум, 2012 онд “Хөтөл” аваад төлөөгүй 277.7 тэрбум, 2013 онд ТОСК-н авсан 299.5 тэрбум, 2014 онд “Бэрэн”-ий авсан 147.4 тэрбум, 2016 онд Кью Эс Си-н авсан 192 тэрбум төгрөгийг Засгийн газар төлөх үү? Үгүй шүү. Олгосон зээлийнхээ хойноос хөөцөлдөж төлүүлсэн нь дээр дээ. Moral hazard гэж нэг юм бий" хэмээн нийгмийн сүлжээндээ бичжээ.

Сэтгэгдэл (2)

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.

192.82.90.20

13 цагийн өмнө

хөгжлийн банкны хэдэн балай худлаа мэдэгдэл хийж байхаар зээл авсан хөрөнгийн судалгаа хаяг тодруулж хөрөнгийг түргэн битүүмжлэх ажиллагаа хийгээч дээ эхнээс нь түргэн дуудлага худалдаанд оруулаач дээ
Хариулах
192.82.90.20

13 цагийн өмнө

кью эс си гэдэг компани эрдэнэбилэгийн толгой компани биз дээ хамаг хөрөнгийг нь хураагаад түргэн төлүүлээч дээ юунд нь удна вэ
Хариулах