БОАЖ-ын сайдаар Б.Бат-Эрдэнийг томиллоо

Moderator
Өчигдөр 17 цаг 00 минут

Засгийн газрын гишүүн, Байгаль орчин, аялал жуулчлалын сайдаар Б.Бат-Эрдэнийг томилсон батламж бичигт Ерөнхий сайд Л.Оюун-Эрдэнэ гарын үсэг зурж, баталгаажууллаа. 

Монгол Улсын Үндсэн хуулийн Гучин есдүгээр зүйлийн 4 дэх хэсэгт, “Засгийн газрын гишүүнийг Улсын Их Хурал, Ерөнхийлөгчид танилцуулснаар Ерөнхий сайд томилж, чөлөөлж, огцруулна. Засгийн газрын гишүүн Улсын Их Хуралд тангараг өргөнө” гэж заасан юм. 

БОАЖ-ын сайд Б.Бат-Эрдэнийн намтар: 

 -1995-1999 онд Улаанбаатарын их сургууль, бакалавр 

-2005-2010 онд Улаанбаатарын их сургууль, магистр

-Монгол Улсын их сургууль, Улс төр судлал, докторантаар тус тус суралцан төгссөн. Түүхч, улс төр судлаач мэргэжилтэй. 

-2003-2012 онд “Силк Роуд Трэвел” ХХК, “Эйр тикет” ХХК-ийн ерөнхий захирал, 

-2011-2012 онд Мэдээлэл, харилцаа холбоо шуудангийн газрын зөвлөх, 

-2012-2015 онд МАН-ын дэргэдэх НАМЗХ-ны Ерөнхий нарийн бичгийн дарга, 

-2015 онд Монгол Улсын Шадар сайдын зөвлөх, 

-2015-2016 онд Мэргэжлийн хяналтын ерөнхий газрын дэд дарга, 

-2016-2017 онд Улсын Их Хурлын Тамгын газарт зөвлөх, 

-2018 онд Засгийн газрын Хэрэг эрхлэх газрын Дэд дарга, 

-2018 оноос “Эрдэнэс Монгол” ХХК-ийн Төлөөлөн удирдах зөвлөлийн дарга, 

-2020 оноос Шударга өрсөлдөөн, хэрэглэгчийн төлөө газрын даргаар ажиллаж байсан.



Сэтгэгдэл (0)

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.

    Сэтгэгдэл бичигдээгүй байна