БОАЖ-ын дэд сайдаар Б.Тулга томилогдох уу?

Өчигдөр Засгийн газар ээлжит бусаар хуралдаж, үүрэгт ажилдаа хариуцлагагүй хандсан зарим хүмүүст хариуцлага тооцсон юм. Бүр тодруулбал, Байгаль орчин, аялал жуулчлалын сайд Н.Уртнасан, дэд сайд Ц.Батбаяр, мөн тус яамны Төрийн нарийн бичгийн дарга Д.Ганболд нарыг ажлаас нь чөлөөлсөн. 

Үүний дараа МАН Удирдах зөвлөлөө хуралдуулж БОАЖ-ын сайдаар Б.Бат-Эрдэнийг томилохоор дэмжсэн юм. Тэгвэл тус яамны дэд сайдаар Б.Тулга томилогдоно гэх мэдээлэл нийгмийн сүлжээнд цацагдаад байна. Өнгөрсөн хаврын Ерөнхийлөгчийн сонгуулийн өмнөхөн угшил нэгтэй МАН, МАХН нэгдсэн. Энэ нэгдлийн тохирооны нэг хэсэг бол МАХН, МАН-ын  эрх мэдлийн бялуунаас хувь хүртэх. Энэ дагуу өнгөрсөн нөхөн сонгуулиар Н.Энхбаярын хүү Батшугар СХД-т нэр дэвшин УИХ-д суусан. Харин одоо Б.Тулга дэд сайдаар томилогдох нь. 

Б.Тулгын хувьд өмнө нь Байгаль орчин, аялал жуулчлалын дэд сайд, Боловсрол, соёл, шинжлэх ухааны дэд сайдын албыг тус тус хашиж байв.