Монголбанк ХААН банкны хувьцаа эзэмшигч солигдоогүй гэж худал мэдээлэл өгсөн үү?

Токио хотын прокурорынхон Асашёорюү Д.Дагвадоржийг шалгаж эхэлсэн үү? гэх мэдээлэл хэвлэлүүдээр цацагдаж эхэлсэн. Тэгвэл түүний нэр холбогдогдсон нийтлэлд бас нэгэн ноцтой мэдээлэл дурьдагдсан байна. 

Тодруулбал, уг нийтлэлд  Японы Токио хотноо төлөөлөгчийн газраа нээсэн Монгол Улсын Худалдаа Хөгжлийн Банк  болон Японы “Савада Холдингс” компанийн үүсгэн байгуулагч Хидэо Савада албан тушаалаа хүлээлгэн өгснөөс үл хамааран ХААН Банкны хувьцааг Токиогийн хөрөнгө оруулалтын компанид худалдсан талаар онцолсон байгаа юм.

Тэгвэл Монголбанкнаас “Хаан банк” ХХК-ийн хувьцаа эзэмшигч солигдоогүй, хувьцаа худалдах тухай эцсийн зөвшөөрлийг Монголбанкнаас олгоогүй гэх мэдээллийг хоёр сарын өмнө өгсөн. 

Харин өөр эх сурвалжуудын мэдээлэлд "ХААН банкны хувьцааны 54.4 хувийг эзэмшдэг “Савада Холдингс” компанийн 33 хувийг Японы “Упсилон” ХХН худалдаж авах процесс өрнөж буй. “Упсилон”-ыг “Метакапитал” ХХК хөрөнгө оруулах замаар үүсгэн байгуулсан.  “Метакапитал” ХХК-ийн төлөөлөгчид Монголд ирж, улс төрийн хүрээнд уулзалт хийсэн гэх мэдээлэл гараад байгаа юм" хэмээн дурьдсан байдаг. 

Ийнхүү ХААН банкны хувьцаа эзэмшигчтэй холбоотой асуудал дахин өндрөө авах нь. Харин одоо Японы хэвлэлүүдэд бичсэн мэдээлэл Монгол банк ямар тайлбар өгөхийг харах л үлдэж байна.