П.Нямдаваа, А.Нота нарт Хөдөлмөрийн баатар цол хүртээлээ

Монгол Улсад Эрүүл мэндийн салбар үүсэн хөгжсөний 100 жилийн ойг тохиолдуулан эрүүл мэндийн салбарт үнэтэй хувь нэмэр оруулсан хүмүүст Ерөнхийлөгчийн зарлигаар төрийн одон медаль гардуулж байна.

-Монгол Улсын Эрүүл мэндийн салбарыг чадварлаг удирдан зохион байгуулсан Анагаахын шинжлэх ухааны салбарын олон бүтээл туурвиж,  нээлт хийж, вируслоги, халдвар судлалын салбарт үнэтэй хувь нэмэр оруулсан, нэрт эрдэмтэн, Эрүүлийн хамгаалахын гавъяат ажилтан академич, профессор П.Нямдаваа, 

-Монгол Улсын анагаах ухааны мэдрэлийн мэс заслын салбарт шинжлэх ухаан, сургалт, эмнэлэг үйлчилгээний нэгдлийг ханган ажиллаж, уураг тархины судасны эмгэгийн онош, мэс засал эмчилгээг онолын хувьд баталгаажуулж, практикт бүрэн дүүрэн нэвтрүүлэн үр дүнг нь дэлхийн түвшинд хүргэсэн Ардын эмч А.Нота нарт МУ-ын Хөдөлмөрийн баатар цол хүртээлээ.