ШУТИС-ийн дотуур байрны дөрвөн давхраас нэг оюутан унаж нас баржээ

Moderator

2021/12/06

Нийслэлийн Сүхбаатар дүүргийн нутаг дэвсгэрт байрлах ШУТИС-ийн оюутны нэгдүгээр байрны дөрвөн давхраас нэг оюутан унаж нас барсан хэрэг гарсан байна.

Тодруулбал, өнгөрсөн амралтын өдөр ШУТИС-ийн дотуур байранд амьдардаг оюутнуудын дунд "Дэвжээ" тэмцээн зохиогдсон байна. Энэхүү тэмцээнд тэргүүн байр эзэлсэн “Vip House” багийн оюутан өндрөөс унаж, нас барсан тухай мэдээллийг эх сурвалж өглөө.

Эх сурвалжийн мэдээллээр тухайн "Дэвжээ" тэмцээнд түрүүлсэн багийнхан нэгдүгээр байр эзэлсэн баяраа оюутны дотуур байрныхаа зааланд тэмдэглэсэн байна. Ингэхдээ согтууруулах ундаа хэрэглэсэн бөгөөд өндрөөс унасан оюутны хувьд цонхоор тонгойж бөөлжих гэж байгаад энэ харамсалтай хэрэг гарсан байж болзошгүй байгаа аж.

Ямартай ч хэргийг Сүхбаатар дүүргийн цагдаагийн хэлтсээс шалгаж байгаа аж. Өндрөөс унаж нас барсан оюутны хувьд ШУТИС-ийн дөрөвдүгээр дамжаанд сурдаг байжээ.

Тэгвэл энэ үйл явдал гарч, оюутнууд дотуур байранд архидан согтуурч байхад байрын жижүүр болон холбогдох хариуцсан хүмүүс яагаад таслан зогсоогүй вэ? гэх асуулт урган гарч байгаа юм.

Сэтгэгдэл (3)

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.

103.57.92.54

2021/12/07

Өө хайран хүүхэд. Архи ууж чадахгүй 1нийгээ шахаж уулгах хэрэггүй дээ. Тэгээд ч архи шиг хэрэггүй юм байхгүй дээ
Хариулах
66.181.160.13

2021/12/06

хайран залуу хүүхдүүд ямар олон залуучууд алга болж эсвэл үхэж үрэгдэж байнаа харамсах юм даа
Хариулах
202.126.88.220

2021/12/06

Buh muu muuhai zuiliin 90% ni arhinaas boldog shuu, ene hognoos hol ywaarai humuus mine
Хариулах