С.Энхболд: Шинэ хувилбар нь ДОХ-ын вирустай хавсарсан гэх мэдээлэл ҮНДЭСЛЭЛГҮЙ

Эрүүл мэндийн сайд С.Энхболд шинэ хувилбарын талаар мэдээлэл өглөө. Тэрбээр "Нийгмийн сүлжээнд шинэ хувилбар Омикрон ДОХ-ын вирустай хавсарсан гэх мэдээлэл гараад байна. Энэ бол үндэслэлгүй мэдээлэл. Энэ вирус дархлаа султай хүний биед үүссэн байх магадлалтай гэж үзэж байгаа. Вирус тархаж байгаа зам нь дархлаа дарангуйлагдах эм хэрэглэсэн, архаг суурь өвчтэй хүнд илүү халдварладаг вирус. Өмнөд Африк бол ДОХ-ын тохиолдол өндөр хувьтай байдаг орон. 

 Дэлхийн улс орнууд энэхүү хувилбарын талаар олон судалгаануудыг эхлүүлээд байна. Энэ хувилбарын эсрэг ДЭМБ тухайлсан арга хэмжээг зарлаагүй байгаа бөгөөд хүн хоорондын зай барих, маскаа зүүх, гарын ариун цэврийг сахих, вакцинжуулалтандаа идэвхитэй хамрагдахыг уриалж байна. Мөн тун чухал шаардлага гараагүй бол гадаад оронд зорчихгүй байцгаая" гэжээ.