Х.Нямбаатар: Ч.Сайханбилэгийн яриаг сонссон их сандарсан хүний яриа байна лээ

АНУ-д амьдарч байгаа Монгол Улсын Ерөнхий сайд асан Ч.Сайханбилэг өчигдөр өөрийн нийгмийн сүлжээндээ Оюутолгойн асуудлаар мэдээлэл хийсэн. Энэ үеэрээ " Х.Нямбаатар сайдыг нэг зүйлийг маш сайн, үнэхээр ойлгож байгаа болов уу гэж бодож байна. Олон улсын ийм том транснационал буюу үндэстэн дамнасан компанитай хэлэлцээр хийж байх үед ямар нэг авлига авч өгөх тухай, эсвэл хууль бус ямар нэг асуудал байдаггүй юм" гэсэн байв. 

Тэгвэл түүний ярьсан асуултай холбогдуулан ХЗДХ-ийн сайд Х.Нямбаатар  “ Ч.Сайханбилэгийн яриаг сонссон. Их л сандарсан хүний яриа байна билээ.  Иргэн Ч.Сайханбилэгт хэлэхэд харийн оронд харийн компанийн маркетинг хийж суухаар эх орондоо ирж энэ төслийг эх орондоо хэрэгтэй болгох талаар илүү их сэтгэлээ чилээгээсэй гэж хүсэж байна” гэжээ.