ШИЛЭН ДАНС: Б.Болор-Эрдэнэ дарга халдвартай иргэдийг GPS-ээр хянах гэрээ байгуулж, 20 сая төгрөг төлжээ

Moderator

Өчигдөр 13 цаг 14 минут

Есдүгээр сард шоу зохион байгуулж нэг хэсэгтээ хэл амны бай болсон Засгийн газрын харьяа Харилцаа холбоо, мэдээллийн технологийн газрын дарга хатагтай Б.Болор-Эрдэнэтэй холбоотой бас нэгэн баримт дэлгэгдлээ.

Тодруулбал, Газрын дараг Б.Болор-Эрдэнэ 2020 оны 12 дугаар сарын 24-нд “СИМ” ХХК-тай хамтран ажиллах гэрээ байгуулсан байгаа юм. Улмаар энэ сард "СИМ" ХХК руу 20 сая төгрөгийн шилжүүлэг хийжээ. Гэрээнд “Сим” ХХК нь УОК-оос бэлдэж өгсөн серверүүдэд программ хангамж суурилуулах, УОК-оос томилсон мэргэжилтнүүдэд программ хангамжийн ашиглалтын сургалт хийх, Гэрийн хяналтад байгаа иргэдийн гар утсанд GPS суурилуулах, бүртгэх, мэдээлэл оруулах, Халдвар авсан иргэдийг GPS бугуйвчаар хангах, төхөөрөмжид тохиргоо хийх, бүртгэх, мэдээлэл оруулах зэрэг ажлуудыг гүйцэтгүүлнэ гэж заажээ.

Гэхдээ одоогоор УОК-оос халдвар авсан иргэдийг GPS-ээр хянах шийдвэр гаргаагүй байгааг онцлон дурьдах хэрэгтэй юм. Нэг үгээр ямар ч ажил үйлчилгээ хийгдээгүй байхад төлбөр хэмээн шилжүүлэгдсэн мөнгөнийхөө талаар Б.Болор-Эрдэнэ дарга тайлбар хийх биз ээ.

Сэтгэгдэл (1)

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.

66.181.187.154

11 цагийн өмнө

Харилцаа холбооны зохицуулах газар гэж мөнгө угаадаг байгууллагад аудит оруулж татан буулгамаар юм Өмнө нь сайханбилэг дарга нь байхдаа чнз бүрийн төсөл хөтөлбөр нэрээр төсвийн мөнгийг зувчуулдаг байсан
Хариулах