Гэрийнхэнтэйгээ маргалдаж гараад сураггүй болсон 17 настай охины цогцсыг Хөвсгөл нуураас олжээ

Moderator

2021/10/25

Гэрийнхэнтэйгээ маргалдсан 17 настай охин сураггүй болсон охины цогцсыг нуурийн уснаас олжээ.

Тодруулбал, Хөвсгөл аймгийн Хатгал тосгоны Хөшөө багийн иргэн 17 настай Т эмэгтэй/ энэ сарын 23-ны өдрийн 16:00 цагийн орчим гэрийнхэнтэйгээ маргалдаад гэрээсээ гараад сураггүй болсон тухай дуудлагыг мөн өдрийн 21:30 цагт Онцгой байдлын алба хүлээн авсан байна.

Дуудлага мэдээллийн дагуу тус аймгийн Онцгой байдлын газрын Хатгал тосгон дахь Гал түймэр унтраах, аврах 69 дүгээр ангийн алба хаагчид эрэн хайх ажиллагааг зохион байгуулж энэ сарын 24-ний өдрийн 11:04 цагт иргэн Т -ын цогцсыг тус багийн “Дамжлага бааз” гэдэг газраас Хөвсгөл нуурын уснаас гарган Цагдаагийн байгууллагад шилжүүлэн өгсөн байна.

Сэтгэгдэл (2)

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.