Тээврийн хэрэгслийн торгуулийг “e-Mongolia”-р төлөх боломжтой болжээ

Moderator

2021/09/29

Өршөөлийн хуулийн дагуу жолооч нар ирэх сарын 1-ээс өмнө торгуулиа 50 хувиар хөнгөлүүлж байгаа. Гэвч уг торгуулийг цахимаар төлөх боломжгүйгээс үүдэн хэд хэдэн газар урт дараалал үүсээд байсан юм.

Тэгвэл “e-Mongolia” системээр дамжуулан торгуулиа цахимаар төлөх боломжтой болсон байна.

Тодруулбал, “e-Mongolia” системд нэвтэрч ороод, жолоодох эрх, тээврийн хэрэгсэл, авто тээврийн хэрэгсэл болон жолоочийн торгуулийн төлбөр төлөх гэсэн шат дараатайгаар үйлчилгээг сонгон, торгуулиа цаг хугацаанд нь цахимаар төлөх боломжтой.

Хэрвээ “e-Mongolia” системд нэвтрэх, үйлчилгээ авахад асуудал гарвал 11-11 лавлах утсанд хандаж, 1 гэсэн товчийг дараад, оператортой холбогдож лавлаж болно. Мөн Төв шуудангийн нэг давхарт байрлах “e-Mongolia” иргэд, олон нийттэй харилцах төвөөр үйлчлүүлэх боломжтой юм.

Сэтгэгдэл (0)

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.

Сэтгэгдэл бичигдээгүй байна

Сүүлд нэмэгдсэн мэдээ