Таван гишүүний тэмцэл яагаад зогссон бэ?

Өнгөрсөн парламентын үед  Х.Нямбаатар, Т.Аюурсайхан, Л.Болд, Л.Оюун-Эрдэн, Ж.Батзандан нар өөрсдийгөө "Шударга тав" хэмээн өөрсдийгөө нэрийдэж,  МАНАН дэглэмийг устгана хэмээн уриа лоозон болж, ард иргэдийг уриалан жагсаал цуглаан хийж сүрийг үзүүлж байв. 

Тэгвэл тэдний тэмцэл яагаад зогссон талаар "Шударга тав"-ын нэг УИХ-ын гишүүн Ж.Батзандан өөрийн фэйсбүүд хуудаснаа "Таван гишүүний тэмцэл яагаад зогссон бэ гэдэг талаар тайлбар өгөе.

Нэгдүгээрт: Бидний тэмцлийн үр дүнд Эрдэнэт, түүнийг дагасан ордууд Монголчуудын өмчлөлд ирэв./Хямралын үед ард түмэнд их дэмжлэг болж байгаа гэж дуулдсан/, мөн эрүү шүүлтийн хэрэг гурван шатны шүүхээр шийдэгдэв, Салхитын мөнгөний ордоо эргүүлэн авч ахмадуудын тэтгэвэрийн өрийг тэглэв, Шүүхийн шинэчлэл хийгдэв, хонгилын зарим нэг шүүгч, прокуроруудыг зайлуулав, Төрд шургалсан МАНАН бүлэглэлийг төрөөс тодорхой түвшинд шахах ажлыг хуулийн хүрээнд хийв гээд олон ажлуудыг нэрлэж болно. Энэ бүгд одоо түүх болон үлдэнэ.
2020 оны 1 сард Ковид гарсанаас хойш улс орноороо хөл хорионд орсон. Тэмцэл хийх нь бүү хэл гэрээсээ ч гарч чадахгүй болсон. Тэр үеээс эхлэн бидний тэмцэл аажмаар зогсонги байдалд орсон ба төр МАНАН-тай биш Ковидтой тэмцэж эхэлсэн.
2020 оны 6 сард болсон сонгуульд ШИНЭ НАМ ялагдсан учир миний бие гишүүний статусаа алдсан ба гишүүний тэмцэл хийх нь бүү хэл төрийн ордонд ч орох эрхгүй болов. Жирийн иргэн болчихоод гишүүдтэй нийлж тэмцэх утгагүй. бас боломжгүй.
Ер нь Ардчилсан нийгэмд ялсан нь үргэлжлүүлж, ялагдсан нь явдаг жамтай. Ингээд миний бие судалгаа, шинжилгээний ажил хийхээр Австралийг зорьсон доо... Өнөөдөр ЗГ маш хүн орчинд ажиллаж байгаа харагдана. Ковидоо ч дийлэхгүй, МАНАН-гаа ч барахгүй байх шиг байна" гэжээ