Өнгөрсөн долдугаар сард алга болсон 32 настай иргэнийг ар гэрийнхнийх нь хүсэлтээр дахин эрэн хайж эхэллээ

Нийслэлийн Чингэлтэй дүүргийн 17 дугаар хороо, “Зүрх-Уул” гэдэг газар Хөгжлийн бэрхшээлтэй 1 хүн төөрсөн тухай дуудлагыг  өнгөрсөн долдугаар сарын 19-ний өдрийн 23:32 цагт хүлээн авсан байна. 

 Тус дүүргийн Онцгой байдлын хэлтсийн Гал түймэр унтраах, аврах 10 дугаар ангийн алба хаагчид 08.26-ны өдөр Чингэлтэй дүүргийн харьяат иргэн 32 настай хөгжлийн  бэрхшээлтэй иргэн Н-г  тухайн өдрийн өдрөөс наймдугаар сарын 27-ны өдрүүдэд эрэн хайх ажиллагааг зохион байгуулсан боловч үр дүнд хүрээгүй юм. 

Иймээр өнгөрсөн сарын 28-ны өдрийн нийслэлийн Онцгой байдлын газрын даргын шийдвэрээр зогсоосон. Улмаар ар гэрээс нь хүсэлт гаргасны дагуу энэ сарын 11-ний өдрийн 11:30 цагаас Чингэлтэй дүүргийн Онцгой байдлын хэлтсийн алба хаагчид Чингэлтэй дүүргийн 17 дугаар хороо “Зүрх уул” гэдэг газраас “Зүүн салаа”-ны эцэс, “Жигжидийн-Ам” зэрэг газруудаар 9 км-т алба хаагчдыг 10-15 м зайтайгаар байрлуулан самналт хийж эрэн хайх ажиллагааг зохион байгуулан мөн өдрийн 18:00 цагт түр зогсоогоод байна.