"ХААН" даатгал даатгалуулагчаа хохироосон уу?

Сүүлийн үед эрчээ авч байгаа бизнесүүдийн нэг нь даатгалын үйлчилгээ эрхлэгч компаниуд. Гэвч даатгалын үйлчилгээ эрхлэгч зарим ААН-үүд даатгуулагчдаа хохироож, үйлчилгээ үзүүлэхгүй байгаа асуудал гарсан тухай эх сурвалж мэдээллээ. 

Тодруулбал, "Хаан" даатгал нэгэн иргэнд даатгалын үйлчилгээгээ үзүүлэхээс татгалзсан тухай гомдол мэдээлэл манай редакцид ирсэн юм. ХААН даатгалын хувьд Ковидын үеийн эрүүл мэндийн даатгалын үйлчилгээ гаргаж, зарим ААН-үүдийг хамруулсан байна. Гэвч даатгуулагч коронавируст халдварын эмнэлзүйн шинж тэмдэг илэрч, түргэвчилсэн оношлуураар шинжилгээ хийлгэхэд эерэг гарсан байна. Улмаар түргэвчилсэн шинжилгээний хариугаа "ГЭРЭГЭ" системд бүртгүүлснээр өрхийн эмчилгээний багцад хамрагдаж чадсан ч ДААТГАЛЫН үйлчилгээгээ авч чадахгүй байгаагаа учирлалаа. 

 ХААН даатгалын зүгээс "Заавал PCR шинжилгээний хариуг үндэслэн даатгалын үйлчилгээ үзүүлнэ" гэсэн байна.  Нэгэнт түргэвчилсэн оношлуураар эерэг гарч, эмнэл зүйн шинж тэмдэг илэрсэн учир тухайн иргэнийг хорооны эрүүл мэндийн төвөөс гэртээ тусгаарлагдахыг зөвлөсөн байна. Иймээс гадуур гарч PCR шинжилгээ өгөх боломжгүй гэдгээ учирласан юм.