Нөхөн сонгуульд Н.Ганбямба, Б.Гарамгайбаатар, Э.Батшугар, Э.Бат-Үүл нар нэр дэвшин өрсөлдөнө

Moderator

2021/09/01

Ирэх сарын 10-нд УИХ-ын сонгуулийн 18, 28 дугаар тойрогт явагдах нөхөн сонгуультовлогдсон. Өнөөдөр сонгуульд оролцох намууд нэр дэвшигчдээ тодруулна.

Тодруулбал, МАН-ын Удирдах зөвлөл 16:00 цагт хуралдах бол бага хурлаа 18:00 цагт товложээ. МАН-аас Хэнтийн УИХ-ын 18 дугаар тойргийн нөхөн сонгуульд МАН-аас тус аймгийн Засаг дарга Н.Ганбямбыг нэр дэвшүүлэхээр яригдаж байгаа аж. Харин АН Хэнтийд УИХ-ын гишүүн асан Б.Гарамгайбаатарыг нэр дэвшүүлэхээр болжээ.

Тэгвэл энэ өдрүүдэд нийгмийн сүлжээн дэх ярианы сэдэв болж байгаа зүйл бол нийслэлийн Сонгинохайрхан дүүрэг дэх УИХ-ын сонгуулийн 28 дугаар тойрог юм. Энэ тойрогт МАН-аас Н.Энхбаярын хүү Э.Батшугар нэр дэвших нь тодорхой болжээ. Угаас МАН, МАХН-ын нэгдсэн хамтын ажиллагааны тохирооны нэг хэсэг нь Э.Батшугарыг нөхөн сонгуульд нэр дэвшүүлэх юм. АН-ынхны хувьд энэ тойрогт нийслэлийн Засаг дарга асан Э.Бат-Үүлийг нэр дэвшүүлэхээр зэхжээ. Ийнхүү намууд өнөөдөр хөл хөдөлгөөнтэй өнжиж байна. Учир нь өнөөдөр нам, эвслүүд нэр дэвшигчээ тодруулах хуулийн заалттай.

Сэтгэгдэл (1)

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.