Ч.Өнөрбаяр: ШИРХЭГ ТАЛХЫГ ШУУДАЙ МӨНГӨӨР АВДАГ БОЛНО...
“Монгол Улсад эдийн засаг, үзэл бодлоо илэрхийлэх эрх чөлөө хумигдаж байна. УИХ-ын дарга Г.Занданшатар өчигдөр Төв банкны дэд Ерөнхийлөгчид том мөнгөн дэвсгэртийг гүйлгээнд гаргах гаргах үүрэг өгсөн. Энэ нь үндсэндээ иргэдийн эдийн засгийн эрх чөлөөг үгүй хийж байгаа хэрэг. Том мөнгөн дэвсгэртийг хэрэглээнд нэвтрүүллээ гээд улс орны асуудал шийдэгдэхгүй. Англичууд эдийн засгаа үнэ цэнэтэй байлгахын тулд өнөөдрийг хүртэл зоосон мөнгө хэрэглэдэг.
Том мөнгөн дэвсгэрт гаргах УИХ-ын даргын шийдвэр нь эдийн засаг нь туйлдсан Монголд төгрөгний ханш уначихсан гэдгийг хүлээн зөвшөөрч байна гэсэн үг. Хэрэв энэ шийдвэр хэрэгжих юм бол нэг ширхэг талхыг шуудай мөнгөөр авдаг болно.
Өнөөдөр 20 мянгатын дэвсгэртийг гүйлгээнээс гаргах тухай бодлого гаргасан бол харин зөв байх байлаа. Энэ шийдвэрээс харахад, Монгол Улс алсын хараагүй бодлоготой болчихжээ. Улс орны эдийн засгаар эрх баригч нам тоглохоо болио. Өнөөдөр АН биш МАН эрх барьж байна. Монголын асуудал, зовлонг шийдвэрлэх эрхийг ард иргэд МАН-д өгсөн.Энэ хүмүүсийг ажлаа хий гэж шаардах эрх нь ч иргэдэд бий. Эдийн засгаа аврахын тулд хилийн боомт руу гүйж очих биш гадны хөрөнгө оруулалтыг бодитой татах бодлогоо танилцуулаач гэдгийг шаардаж байна.
Хоёрдугаарт "No naadam" хөдөлгөөнийг санаачилсан иргэдийг гаднын санхүүжилт, зохион байгууллаттайгаар хийсэн гэх мэдээлэл хэвлэл мэдээллийн хэрэгслээр гарсан. Үүн дээр хуулийн байгууллага албан ёсны үнэн бодит мэдээлэл өгмөөр байна. Тэгэхгүй бол иргэд хоёр талцаж, хэвлэл мэдээллийн хэрэгсэл иргэдтэй дайсагнасан маягтай харилцаа үүсгэж болохгүй. Мөн энэ асуудлаар нээлттэй сонсгол хийж эцэслэн мухарлах нь эрх нь УИХ-д бий.
Гуравдугаарт өчигдөр Боловсрол, шинжлэх ухааны сайд 185 мянган сурагч хичээлийн хоцрогдолтой байгаа талаар мэдээлсэн. Боловсрол гэдэг нь тухайн хүмүүсийн ирээдүй. Гэвч салбарын сайд нь энэ хоцрогдлыг нөхөх бодитой бодлого танилцуулсангүй. Таван өдөр танхимаар, таван өдөр цахимаар хичээллэнэ гэдгийг л ярилаа. Covid-19 долоо хоног амардаг болчихсон юм уу. Боловсролын яам бодитой, зоригтой шийдвэрүүдийг гаргах хэрэгтэй байна".
Сэтгэгдэл (1)
ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
Үерийн аюулаас сэрэмжтэй байхыг анхааруулж байна
Цагдаагийн байгууллагын 102 тусгай дугаарт өчигдөр 1890 дуудлага, мэдээлэл бүртгэгджээ
Мөргөлдсөн, осол гэмтэлтэй автомашиныг улсын хилээр оруулахыг хориглох өргөдөлд гарын үсэг цуглуулж эхэлжээ
Замын хөдөлгөөний дүрэм зөрчиж, ногоон байгууламж сүйтгэсэн жолоочийн эрхийг 3 сараар хасчээ
Ирэх өвөл-хаврын бэлчээрийн даац нутгийн 50 гаруй хувьд хүрэлцээтэй, 50 орчим хувьд хэтэрч гарсан байна
УИХ-ын дарга С.Бямбацогт анхны гадаад айлчлалаа Люксембургийн Их Гүнт Улсаас эхлүүллээ
Өнөр хорооллын гудамжинд явган хүний гүүрэн гарц угсрах тул өнөөдрийн 22:00 цагаас тухайн хэсгийн авто замыг түр хаана
172.58.141.144
Ene yamar muuhai dotortoi elbegdorj shig charalbaa ve?
Хариулах