Шинэ, хуучин Ерөнхийлөгчийн балаг

Өнгөрсөн сарын сүүлээс эхэлсэн Ерөнхийлөгч Х.Баттулгын шагнал гардуулах ёслол үргэлжилсээр байна. Ингэж өдөрт зуу зуун шагнал гардуулж, мянган мянган хүн Сүхбаатарын талбай дээр цуглаж, цар тахлын гамшгийг мартав. 

Мөн өнгөрсөн сарын сүүлээс эхэлсэн Ерөнхийлөгчийн сонгуулийн сурталчилгаа улс орон даяар дуулиан шуугиантай эхэлж, ард иргэдийг мянга мянгаар цуглуулж, нэр дэвшигчид өөрсдийгөө сурталчилан таниулж явав. Ийнхүү шинэ Ерөнхийлөгч сонгогдох өдрүүд, хуучин нь халаагаа өгөх үйл явц халдварын тархалтыг таацанд тулгалаа гээд хэлчихвэл буруудах юмгүй. 

Яг одоо Монгол Улс нэг сая хүнд ногдох коронавируст халдварын тоогоор 1.3 тэрбум хүн амтай Энэтхэгийн өмнө гишгэж, дэлхийд тэргүүлэгчдийн эгнээнд орлоо.  Дэлхийн дунджаар сая хүнд ногдох коронавируст халдварын тоо 22672, хамгийн өндөр тархалттай Энэтхэгт 21187 байхад Монгол Улсын хувьд 23540 буюу одоогоор халдварын 800-2300 тохиолдлоор буюу шинжилгээ авсан 5 хүн тутмаас халдварын нэг тохиодол илэрч байна.

Эмх замбараагүй шагнал, зохион байгуулалтгүй сонгуулийн сурталчилгааны гороор нийслэлээс гадна 16 аймаг, 73 суманд халдвар огцом нэмэгдлээ.  Өдөрт бүртгэгдэх халдварын тоо 2000 давж, ААН-үүд дахин хаалгаа барьж, ард иргэд дахин хөл хоригдоход ойрхон байна. 

Энэ бол шинэ хуучин Ерөнхийлөгчийн тарьсан балаг. Нэг нь  суудлаасаа буух, нөгөө нь суудалдаа суух үйл явц Монголын ард түмний амь нас, эрүүл мэндийг дэнчинд тавьсан нь харамсалтай❗❗❗❗❗