Б.Болдсайхан эмч: Би хамгийн түрүүн 15 настай хүүдээ "Pfizer"​ вакцин хийлгэнэ

АНУ-ын "Pfizer" вакциныг 12-15 насны хүүхдүүдэд хэрэглэхийг зөвшөөрсөн. Энэ талаар Б.Болдсайхан эмч " Засгийн газар энэ намар хичээл эхлэхээс өмнө бүх хүүхдүүдээ вакцинжуулахаар дэлхийн хамгийн үнэтэй хүндрэл гайгүй байгаа "Pfizer" вакцины 2,5 сая тунг оруулж ирэхээр гэрээ хийгээд эхнээсээ оруулж ирсэн байгаа. Би хамгийн түрүүн 15 настай хүүгээ аваачиж вакцинд хамруулна. Яагаад гэвэл хүүгээ битгий өвдөөсэй, битгий хүндрээсэй, битгий үхээсэй гэж хүсэж байна. Хүүхдүүдийнхээ төлөө хамгийн үнэтэй вакциныг оруулж ирсэнд баярлалаа гэж хэлмээр байна. Хар ухаанаар бодоход ч муухай шдээ. 2 сая том хүн нь өөрсдөө амиа бодоод вакцин хийлгэчихсэн. Тэгээд энэ тоглоомын талбай дээр тоглож байгаа хүүхдүүдийг яагаад вакцин хийж хамгаалдаггүй юм. Эхнээсээ өвдөөд үхээд байна шүү дээ. Тэгэхээр хүүхдүүдийнхээ төлөө хамгийн үнэтэй вакцин оруулж ирсэн Засгийн газарт талархмаар байна. 100 жилийн ой болох наадмаараа бүгд сайхан эрх чөлөөтэй, цэнгэл наадамтай байя гэж бодож байвал вакцинаа хийлгээд хариуцлагатай байх ёстой. Хэчнээн баяр болоод, хэчнээн шагнал авлаа ч гэсэн үнсэлцэхгүй 2 метрийн зайд ойртохгүй, олноороо шавахгүй байхыг л хичээх хэрэгтэй" гэлээ.