Нийслэлийн бүх хороо, бүх байр халдварын өндөр эрсдэлтэй байна

Ойрын өдрүүдэд Улаанбаатарт халдварын тоо нэмэгдэж, олон хүнийг хамарсан томоохон голомтууд бүртгэгдэж байгааг ХӨСҮТ-ийн Халдварт өвчний тандалт, судалгааны албаны дарга Ж.Байгалмаа мэдээлээ.

Тэрбээр "Эрүүл мэндийн ажилтнууд дундах өвчлөл нэмэгдэж байна. Төв аймаг, Завхан аймгуудад шинээр голомт бүртгэгдлээ. Коронавируст халдвартай эмнэлэгт хэвтэж байгаа хүмүүсийн биеийн байдал хүндэрч, хүнд, нэн хүнд хүмүүийн тоо нэмэгдэж, нас баралт бүртгэгдэж байна. Халдварын тархалтыг илэрхийлдэг тоон үзүүлэлтүүд бүгд өссөн дүнтэй байна. 

Иймээс гурван зүйлийг анхааруулъя. 

• Нэгдүгээрт, голомт гэдэг үгэнд хэвлэл мэдээлэл, ард иргэд битгий их анхаарал хандуулаачээ. Халдварын тархалт бага байхад голомтын тухай яригддаг. Тархалтын байдлаас харахад Улаанбаатар хотод халдвар авах эрсдэлгүй нэг ч дүүрэг, хороо, байр, гудамж байхгүй  байхгүй. 
• Хоёрдугаарт, халдвар тархах гол зам нь агаар дусал. Үүнээс сэргийлэх гол арга зам бол агаар сэлгэлт. Цаг тутамд цонхоо онгойлгож агаар сэлгэлтийг хийх хэрэгтэй. 
• Гуравдугаарт, Хавьтал болсон хүмүүс шинжилгээний хариу гартлаа ажлын байр, машин дотроо тусгаарлагдах шаардлагатай.