Ерөнхийлөгч Цэцэд нөлөөлөхийг оролдсон уу?

Ерөнхийлөгч сар шинийн баярын өмнө Үндсэн хуулийн цэцэд өөрийн биеэр очиж хүсэлт гаргасан. Тэгвэл тэрбээр өнөөдөр дахин Үндсэн хуулийн Цэцийн байранд очсон. 

Учир нь “Х.Баттулга нэр дэвшиж болохгүй, Х.Баттулгыг нэр дэвшүүлж огт болохгүй” гэдэг шаардлагыг тусгаагүй нь Үндсэн хуулийг зөрчсөн байна гэх агуулга бүхий мэдээллийг иргэд Үндсэн хуулийн цэцэд гаргажээ

Монгол Улсын Үндсэн хуулийн цэцэд гаргасан иргэдийн мэдээлэлтэй холбогдуулан Үндсэн хуулийн цэцийн гишүүн Д.Солонгоос ирүүлсэн тайлбар гаргуулах, байр суурь тодруулах албан бичгийн хариуг Монгол Улсын Ерөнхийлөгч өөрийн биеэр Үндсэн хуулийн цэцэд очсон байна. 

Харин энэхүү үйл явцтай холбогдуулан зарим хүмүүс нийгмийн сүлжээнд байр сууриа илэрхийлсэн байна. 

Тухайлбал УИХ-ын гишүүн Т.Доржханд "Ордны гурван давхарт шүүгчдийг дуудаг гэж шүүмжлүүлдэг Ерөнхийлөгч маань цагаандаа гарч ҮХЦ дээр удаа дараа очиж Цэцийн гишүүдэд нөлөөлж байна. Энэ үйлдэл нь хариуцлага тооцох /impeachment/ үндэслэл. Цэцийн дээр мөнгө тэнгэр байдаг уу, дарга байдаг уу" хэмээн жиргэжээ. 

Мөн УИХ-ын гишүүн Г.Дамдинням "Ерөнхийлөгч ҮХЦ дээр удаа дараа очиж, гишүүдэд нөлөөлөх оролдого хийж байна. Энэ үйлдэл нь impeachment хийх хангалттай үндэслэл болчихвуу даа? Хууль тогтоох засаглал буюу УИХ ч Цэцэд чиглэл өгдөггүй. Цэцийн шийдвэр эцсийнх байдаг" хэмээн жиргэсэн байна.