Маргаашаас хилээр ачаа бараа хэвийн нэвтэрч эхэлнэ

Маргаашаас эхлээд бүх хилийн боомтоор ачаа бараа тээвэрлэлт хэвийн хийгдэж эхлэх талаар Засгийн газрын ХМОНХХ-ийн дарга Ц.Ганзориг хэллээ.

Тэрбээр "Хоёрдугаар сарын 23-наас экспорт, импорт хилийн нөхцөл байдал хэвийн явагдана. Харин зорчигч тээврийн хөдөлгөөн иргэдийг татан авах байдлаар үргэлжилнэ.  Бусад тохиолдолд гуравдугаар сарын 30-ныг хүртэл улсын хилийг хязгаарласан хэвээр байна" хэлээ.  Шадар сайд С.Амарсайхан өмнө нь  "Гуравдугаар сарын 30-ныг хүртэл хил, гаалиар ачаа бараа нэвтрэхээс бусдыг хязгаарлах Засгийн газрын тогтоол гарсан. Энэ хугацаанд ачаа барааны оочер дараалал үүссэн асуудал байхгүй болно. Урд хил дээр Хятадын талд ариутгалын бункерийг барьж байгуулахтай холбоотой асуудал байгаагаас тодорхой хязгаарлалттай явж байгаа. Бүтээн байгуулалтын ажил нь удахгүй дуусна гэсэн мэдээлэл бий.  Хойд хил буюу Алтанбулагийн боомтоор ачаа тээвэр хэвийн нэвтэрч эхэлсэн. Цаашдаа хилээ хэрхэн нээх, гадаад дотоод зорчилтоо яаж зохион байгуулах нь вакцинжуулалт, тэдгээртэй холбоотой цаг үеийн эрсдэлийн үнэлгээ, ОУ-ын хил гаалийн дэглэм журамтай уялдуулна. Өнөөдрийн байдлаар БНХАУ гаднаас нислэг авахгүй байгаа. 

Олон орон хил гааль нь хаалттай хэвээр байгаа. Вакцинжуулалтад хамруулаад гадагш, дотогш зорчиж байгаа олон улсын жишгээр манай улс ажиллахаар төлөвлөж байгаа" гэсэн юм.