БОАЖ-ын сайд Н.Уртнасан ашиг сонирхлын зөрчилтэй юу?

Шинээр байгуулагдсан Л.Оюун-Эрдэнийн Засгийн газарт ажиллах дөрвөн эмэгтэй сайдын нэг нь БОАЖ-ын сайд Н.Уртнасан. Сэтгүүлч мэргэжилтэй,  Eagle TV телевизэд сэтгүүлч, мэдээний албаны дарга,  МҮОНРТ-ийн Нийгэм, эдийн засгийн редакцид сэтгүүлч, редактор,   “Шинэ дэлхий” телевизийн Гүйцэтгэх захирал, “Юни Си энд Си” ХХК-ийн Маркетингийн захирал,  “Юни солар” ХХК-ийн Ерөнхий захирлын алба хашиж байсан. 

Түүний Ерөнхий захирлын алба хашиж байсан  “Юни солар” ХХК нь  сэргээгдэх эрчим хүчний засвар үйлчилгээ, тоног төхөөрөмжийн худалдаа, нарны цахилгаан эх үүсвэр угсрах суурилуулах чиглэлээр үйл ажиллагаа явуулдаг.  Нэг үгээр БОАЖ-ын сайд Н.Уртнасангийн нэр дээрх "Юни солир "ХХК нь  тухайн салбарт ашгийн төлөө үйл ажиллагаа явуулж байгаа бөгөөд албан үүргийн хувьд хяналт тавих, эрхлэх асуудлын хүрээнд шууд болон шууд бусаар нөлөөлөх боломжтой юм. 

Уг нь сайдад нэр дэвшигч тухайн албан тушаалд томилогдохоос өмнө томилох эрх бүхий субьект хөрөнгө орлогын мэдүүлэг болон хувийн ашиг сонирхлын урьдчилсан мэдүүлгийг нь АТГ д мэдүүлж, хянуулах үүрэгтэй байдаг. Гэтэл БОАЖ-ын яамнаас хөрөнгө оруулалт авах бүрэн боломжтой компанитай Н.Уртнасан сайдыг Ашиг сонирхлыг зөрчилгүй гэдгийг АТГ ямар үндэслэлээр тогтоосон нь сонин байна.