ШУУРХАЙ МЭДЭЭ : НЭГ БАЙРНЫ 21 ИРГЭНЭЭС ХАЛДВАР ИЛЭРЧЭЭ

БЗД-ийн 5-р хорооны 6-р байранд 2021.01.29-ны өдөр Коронавируст халдварын шинэ тохиолдол бүртгэгдэж, цагдаагийн хамгаалалтад авсан. Үүнээс хойш өнөөдрийн байдлаар, нийт 10 өрхийн 21 иргэнээс халдвар илрээд байна. 

Тодруулбал, батлагдсан тохиолдол бүртгэгдсэний дараа 57 айлын 85 хүнийг шинжилгээнд хамруулахад, 7 айлын 12 хүнээс халдвар илэрсэн бол энэ сарын 4-нд 2 дахь давтан шинжилгээг хийхэд дахин 3 айл өрхийн 9 хүнээс халдвар илэрлээ. Үүнтэй холбоотойгоор, тус байрны цагдаагийн хамгаалалтыг буулгахгүйгээр, гэрийн ажиглалтын 14 хоногийг үргэлжлүүлж байна.

Цагдаагийн хамгаалалт авсан хугацаанд, хоол, хүнс шаардлагатай айл өрхүүдээс захиалга авч хүнс хүргэх ажлыг зохион байгуулж байна. Мөн ариутгал, халдваргүйтэл болон хог ачилтыг тогтмол хийж, аюулгүй байдлыг ханган ажиллаж байна. 

ЖИЧ: ЭНЭ МЭТЧИЛЭН БАЙР, ОРЦ ДАГАСАН ХАЛДВАРЫН ТОХИОЛДЛУУД СҮҮЛИЙН ӨДРҮҮДЭД НЭМЭГДЭХ ХАНДЛАГАТАЙ БАЙГАА ТУЛ ХАЛДВАР ХАМГААЛЛЫН ДЭГЛЭМЭЭ САХИЖ, ШААРДЛАГАГҮЙ ТОХИОЛДОЛД ГЭРЭЭСЭЭ ГАРАХГҮЙ БАЙХЫГ БАЯНЗҮРХ ДҮҮРГИЙН ОНЦГОЙ КОМИССООС ЗӨВЛӨЖ БАЙНА...