Л.Оюун: Аав ээж, ах дүү, хамаатан садандаа хайргүй бол очиж золгоорой гэдгийн хатуухан хэлье

Эрүүл мэндийн яамны хэвлэлийн хуралд эдийн засагч Л.Оюун оролцож мэдээлэл өглөө.

Түүний зүгээс "Дэлгүүр хоршоо, үйлчилгээний газарт хөл ихтэй. Ууц, тавгийн боов, бусад зүйлийн худалдан авалтыг харахад сар шинийн баярыг тэмдэглэх янзтай байна. Сар шинийн баяраа тэмдэглэж болно. Гэхдээ дэлхий нийтээрээ цар тахалд өртөөд байна гэдгийг анхаарах хэрэгтэй. Өөрөө халдвар авснаа мэдэхгүй, нууц үе үргэлжилдэг. Тийм учраас санаатай биш гэхэд санамсаргүйгээр өндөр настан, ах дүү, аав, ээждээ өвчин тархаах магадлалтай байна.

Хайртай хүмүүсээ хамгаалаарай гээд анхааруулсаар байтал хамаатан, саднаа коронагаас харамлахгүй байгаа бол очиж золгоорой гэж хатуухан үг хэлье. Аав ээж, ах дүү, хамаатан садандаа хайргүй бол очиж золгоорой. Жаахан тэсвэл вакцин орж ирэх нь. Нохойн дуу ойртож байна" хэмээлээ.