НӨАТ-ын сугалааны ажилтны гэр бүл 40 сая төгрөг хожсон нь шалгалтаар илэрсэн гэв

ШӨХТГ-аас өнөөдөр НӨАТ-ын урамшууллын сугалааны үйл ажиллагаа нь Хэрэглэгчийн эрхийг хамгаалах тухай хууль, Өрсөлдөөний тухай хууль болон бусад холбогдох хууль тогтоомжийн хэрэгжилтийг хангаж байгаа эсэхэд хяналт шалгалт хийсэн талаараа мэдээлэл хийлээ. 

Шалгалтын сугалааны бөмбөлөгийг гаргаж буй тоног төхөөрөмж, түүнтэй холбоотой нөхцөл байдлыг Стандарт хэмжил зүйн газартай хамтран хянасан ба зөрчил илрээгүй байна. 

Мөн И-баримтын сугалааны хонжвороос Гааль, татвар, санхүү, мэдээлэл технологийн төвийн албан хаагчид нийтлэг их дүнтэй хонжвороос хождог гэх асуудалд Цагдаагийн байгууллагаас харилцан хамаарлыг судлан шалгахад дээрхи нөхцөл байдал бүрэн тогтоогдоогүй гэдгийг ШӨХТГ-аас мэдээллээ. 

Мэдээллийн үеэр гааль, татвар, санхүүгийн мэдээллийн технологийн төвд өмнө ажиллаж байсан болон одоо ажиллаж байгаа 74, одоо ажиллаж байгаа 65 нийт 139 алба хаагчдийн гэр бүлийн хамааралтай 961 иргэдийн судалгааг гаргаж, 10 саяас дээш дүнтэй хонжвор таарсан, 10 буюу түүнээс дээш удаа хонжвор таарсан, 2,0 сая болон түүнээс дээш дүнгээр 2 буюу түүнээс дээш хонжвор таарсан иргэдийн мэдээлэлтэй тулгаж шалгахад зөвхөн  1 тохиолдол илэрсэн байна. Энэ нь 2018 онд ажиллаж байсан албан хаагчийн хамаарал бүхий этгээд байсан ба хонжворын дүн 40 сая төгрөг байжээ.

Харин одоо ажиллаж байгаа 47 албан хаагч давхардсан тоогоор 89 удаа нийтдээ 3 сая 838 төгрөг хожсон байна.