Мартаж болохгүй 33 тэрбумын гурван найз

Дархан-Уул аймагт УИХ-ын гишүүн Г.Дамдиннямыг эгүүлэн татах залуусын хөдөлгөөн эхэлжээ. 

Гурван найзын 33 тэрбумын дуулиан хэрхэн эхлэв?

Хэдэн хоногийн өмнө УИХ-ын гишүүн Г.Амартүвшин 2019 оны сүүлийн хагаст Монголын Улсын Хөгжлийн банкны захирлаар ажилласан хугацаандаа 327 тэрбум төгрөгийн зээлийг олгосон байдаг.

Үүн дотроос олон нийтийн анхаарал татаж шүүмжлэл дагуулсан нь  33 тэрбум төгрөгийн зээл авсан “Вертекс майнинг сервис” гэх компани юм. Уг  компани 2018 онд автомашины засвар үйлчилгээ, тоног төхөөрөмжийн худалдааны чиглэлээр байгуулагдсан. 

Компанийн үүсгэн байгуулагч нь УИХ-ын гишүүн Г.Дамдинням, “Глобал майнинг сервис” ХХК, Дэлхийгээр аялагчид” группийн үүсгэн байгуулагч, аялагч Ө.Батбаяр нар юм байна.  Улсын бүртгэлийн ерөнхий газрын албан ёсны мэдээлэлд “Вертекс майнинг сервис” компанийн гүйцэтгэх захирлаар УИХ-ын гишүүн Х.Ганхуягтай овог нэгт Хассуурийн Хашчимэг ажилладаг. Х.Хашчимэг нь УИХ-ын гишүүн Х.Ганхуягийн төрсөн дүү. Х.Ганхуяг нь “Хэра инженеринг”-ийн 50 хувийг эзэмшдэг бол түүний охин компани “Хера инвенстмент”-ийн 10 хувийг УИХ-ын гишүүн Г.Дамдинням эзэмшдэг. 

Энэ бол өнгөрсөн өдрүүдэд нэгэнт нийтэд ил болсон мэдээлэл. 

УИХ-ын гишүүн Г.Амартүвшин, Г.Дамдинням, Х.Ганхуяг ийнхүү ашиг сонирхлоор нэгдэж, Хөгжлийн банкнаас зээл баримт ил болсон. Тэгвэл энэхүү баримттай холбоотойгоор тэднийх эгүүлэн татах асуудал ийнхүү сөхөгдөж эхэлсэн байгааг эх сурвалжууд мэдээлж байна.  Мэдээж сонгуулийн өмнө ийм их хэмжээний мөнгө хэрхэн, яаж олгогдсон нь анхаарал татна. Үүнийг хуулийн байгууллагууд нь анхааралтай хандуулж эхэлсэн байна. 

Мэдээж олон нийтийн зүгээс ч дээрх ашиг сонирхол нэгдэж, их хэмжээний зээл авсан асуудлыг мартагдахгүй учиргүй үйл явдлуудын эгнээнд оруулж, эгүүлэн татах хөдөлгөөн өрнүүлээд эхэлсэн нь энэ юм.