ШУУРХАЙ МЭДЭЭ: Ховд аймагт коронавируст халдварын гурван тохиолдол бүртгэгдлээ

Улаанбаатар Ховд аймагт очсон иргэдээс гуравт нь коронавируст халдвар илэрсэн байна.  Тодруулбал, Улаанбаатар хотоос Ховд аймаг руу нийтийн тээврийн 5 автобусаар энэ сарын 26-ны өдөр очсон 206 иргэнээс түргэвчилсэн тест авахад 2 иргэний шинжилгээний хариу эерэг гараад байсан. 

Улмаар сэжигтэй тохиолдлуудыг ойрын хавьтлуудтай нь PCR шинжилгээ хамруулахад гурван хүнээс коронавируст халдвар илэрсэн тухай эх сурвалж мэдээллээ. Одоогоор тухайн иргэдийг Ховд аймгийн Дарви суманд тусгаарласан байна. Мөн аймгийн онцгой комисс хуралдаж байгаа бөгөөд хуралдаанаас гаргасан шийдвэрээ олон нийтэд танилцуулах юм.