News Paparazzi: Б.Болор: Шүүхийн эцсийн шийдвэр гартал хилс хэргийн талаар ярихгүй

Moderator

2021/01/26

Долоо хоногийн өмнө Шүүхийн шийдвэрийн дагуу Д.Эрдэнэбат, Б.Болор нарыг нэг цагийн өмнө ШШГЕГ-ын харьяа хорих 409 дүгээр ангиас сулласан.

Сануулахад, Аж үйлдвэрийн сайд асан Д.Эрдэнэбат, Сангийн сайд асан Б.Болор нарыг албан тушаалаа урвуулан ашиглаж “Эрдэнэт” үйлдвэрийн 49 хувийг ОХУ-аас худалдаж авсан аж ахуйн нэгжид давуу эрх олгосон гэдэг үндэслэлээр буруутгаж анхан шатны шүүхээс оноогоод байсан юм. Тэд давж заалдах шатны шүүхэд хандсан бөгөөд энэ сарын 19-нд нийслэлийн Эрүүгийн хэргийн давж заалдах шатны шүүх тэдний гомдлыг хэлэлцсэн. Улмаар давж заалдах шатны шүүх анхан шатны шүүхийн шийдвэрийг өөрчилж, хорих ялыг нь торгох ялаар солих шийдвэр гаргаж, тэднийг сулласан.

Тэгвэл Б.Болор өнөөдөр өөрийн фэйсбүүк хуудаснаа "Үнэнд нэг алхам ойртлоо. Шүүхийн эцсийн шийдвэр гартал яллагдсан хилс хэргийн талаар ярихгүй байх нь зөв байх. Хоригдсон хугацаанд бүхий л талаар дэмжлэг туслалцаа үзүүлж байсан хайртай хань болон гэр бүл... хорих 409 болон 461-р ангийн ажилтан албан хаагч нар болон бусад надад итгэж миний төлөө санаа зовж мөн дэмжиж байсан бүх хүмүүст талархалаа илэрхийлье" гэжээ.

Сэтгэгдэл (1)

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.

49.0.154.41

2021/01/27

хахуульд авсан мөнгөө үнэн шударгаар буцаагаад өгчих бурхан харж байгаа шүү тэгээд олон хүүхдүүдээрэй түрүү барьж өрөвдүүлэх гэсэн тактикаа больж үз гэмээр байна
Хариулах