News Paparazzi : И.Цэрэнхүү: Д.Наранбаатар аа чи юу хийгээд явна аа ! Монгол үндэсний гененд нөлөөлөхүйц вакцин хэрэггүй

Коронавируст өвчний эсрэг вакцины талаар шинжлэх ухааны цуврал мэдээллийг “Оном” сангийн Д. Наранбаатар өөрийн цахим хуудаснаа танилцуулсан байна. 

Тодруулбал, тэрбээр энэ видеоныхоо эхэнд  АНУ-ын Модерна компанийн Гүйцэтгэх захирал Стефане Банселтэй Монгол Улс Модернагийн вакцин шууд худалдан авалт хийж нийт хүн амаа вакцинжуулах боломжийн талаар мэдээлэл солилцсон гэдгээ тодотголоо. 

Улмаар Модерна компаний удирдах албаны хүмүүст мэдээлэл ѳгч Ерѳнхий сайд У. Хүрэлсүхтэй холбож ѳгснѳѳр Модерна компани АНУ-ын Үндэсний эрүүл мэндийн хүрээлэнтэй хамтран бүтээсэн КОВИД-19 ѳвчний эсрэг мэдээллийн РНХ дээр суурилсан вакцины 4 сая тунг Монгол Улсад шууд нийлүүлэх эхний саналаа 2021 оны 01 сарын 15-ны Баасан гарагт Сангийн яаманд хүргүүлээд байгаа аж. 

Д.Наранбаатарын зүгээс цахим хуудаснаа “Модерна компанийн хувьд 2021 оны 3 дугаар улирал хүртэл үйлдвэрлэгдэх бүх вакцин гэрээ байгуулагдаж зарагдаж дууссан байгаа. Иймээс Монгол Улсын Засгийн газар хурдхан хѳдѳлж, вакцин худалдан авах гэрээгээ байгуулж нийт хүн амаа вакцинжуулах ажлаа түргэвчлэх нь зүйтэй гэж Оном сангийн Эрдэмтдийн баг үзэж байна” гэжээ. 

Харин энэ мэдээлэлтэй холбогдуулан судлаач И.Цэрэнхүү байр сууриа илэрхийлсэн байна. 

Тэрбээр “Д.Наранбаатар аа, чи юу хийгээд явна аа! Монгол үндэсний гененд нөлөөлөхүйц вакцин хэрэггүй

Модерна  вакцин ерөөсөө авч  болохгүй, амьтан дээр туршаагүй вакцин гэдгийг чи мэдэж л байгаа шдээ! Монголчуудад таарахгүй! Усан гахайн дээр туршлаа гээд хэл  амыг дарсан, монголчууд Азийн популяци шүү, онцлогтой. Генетик талаас нь сайн судлах ёстой.Тэгээд ч манайд тээвэрлэлт, хүргэлтийн ложистик байхгүй, дэмий юмаар бүү хөөцөлд гэж зөвлье!!!

Монгол үндэсний гененд нөлөөлөхүйц вакцин хэрэггүй, дэндүү гэмээр эмзэг асуудал шүү!

Модерна шинэ хувиралд бас нөлөөлнө гэсэн баталгаа байхгүй л байгаа шдээ, нэгдсэн ойлголтод эрдэмтэд яагаад ч хүрч чадахгүй байна. Нотолгоо баталгаа нь 7-10 жилийн дараа гарна, эндээс үүдээд  “плацебо эффект” Модерна  дээр 40 хувь хүртэл уналттай байгааг чи мэдэж л байгаа шдээ!

Яагаад байна аа? Түмэн олноороо хэлэлцэж шийдэх асуудал. Машин техникийн тос масло биш, малд  биш хүнд, монгол гененд, монгол цусанд шахах гэж байгаа юм шүү! Монголчуудад молекулын штаммт вакцин аль нь ч таарахгүй юм билээ, шаардлагатай хүмүүстээ векторын вакцин хэрэглээд бусдыг нь  хойшлуулан хүлээх ёстой!

ГАЛААР ОРОЛДОХ ОСОЛТОЙ, бүр АЮУЛТАЙ!

Хүчтэй хүчгүй генийн 3 хуулийг нээсэн Менделийн үндэслэлийг эргэж нэг үз, генетикүүдтэй зөвлө!

Хүчтэй гентэй монголчуудыг цусанд сүүдэр унагах бодлогыг барьдаг их гүрэн байгаа, бид өөрсдөө тэдэнд туслах юмыг хийж, үүд хаалгаа нээж болохгүй ээ!Том зургаар нь харах ёстой! Судлаач И.ЦЭРЭНХҮҮ” гэжээ.