News Paparazzi : Н.Номтойбаяр: Миний бие албан тушаалаа урвуулан ашиглаж бусдад давуу эрх олгосон удаагүй

Moderator

2021/01/14

Өнгөрсөн долоо хоногийн баасан гарагт Улсын дээд шүүхэд УИХ-ын гишүүн, Хөдөлмөр, нийгмийн хамгааллын сайд асан Н.Номтойбаяр тэргүүтэй хүмүүст холбогдох эрүүгийн хэргийг хэлэлцэхээр товлогдсон байсан ч хойшилсон.

Сануулахад, түүнийг Хөдөлмөр нийгмийн хамгааллын сайдаар ажиллаж байхдаа эрх мэдэл, албан тушаалын байдлаа урвуулан ашигласан, худал мэдүүлэг өгсөн гэх үндэслэлээр шүүж, 5.5 жилийн хорих ял оноосон юм.

Тэгвэл энэхүү ял оноосон асуудалтай холбогдуулан сайд асан Н.Номтойбаяр өмнө нь дараах байдлаар байр сууриа илэрхийлж байв. Тэрбээр “Зээл авахаар шалгарсан 29 төслөөс надтай хамаарал бүхий иргэн, хуулийн этгээд байхгүй ба миний бие албан тушаалын байдлаа урвуулж бусдаар дамжуулан хэн нэгэнд давуу байдал олгосон зүйл мөн байхгүй.

Харин миний бие сайд болохоос өмнөх үе үеийн Засгийн газар олон арван тэрбум төгрөгийг эргэн төлөлтгүйгээр олгож байсныг таслан зогсоож 100 хувь эргэн төлөлттэй болгож өөрийгөө гавьяа байгуулсан” хэмээж байсан юм.

Дээрх тайлбараа ч шүүхийн хурлын үеэр өгч байсныг эх сурвалжууд онцолдог.

Сэтгэгдэл (1)

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.

202.9.46.52

2021/01/14

ЁС СУРТАХУУН ГЭЖ ЮУ ЯРИАД ӨНА ХУУЛЬЧ ГЭХ ШИГ БИД ХУУЛИА ДЭЭДЛЭЖ ИРСЭН УЛС ХАРИН ТА НАР ХУУЛИАС ГАДУУР ЗҮЙЛ ХТЙГЭЭД БАЙГАА ЧИНЬ ЁС ЗҮЙ ЮМУУ БИД ОЛОН УЛСЫН ШҮҮХЭД ХАНДАХААР БЭЛТГЭЛ ХИИЖ БАЙГАА ТА НАРТ ХАНДВАЛ ШАЛГАЖ БНА ГЭДЭГ АРД ТҮМЭН ХЭЦҮҮ БАЙХАД АРД ТҮМНЭЭ АЛБААР ЯДУУРУУЛЖ БАЙГАА БИЗДЭЭ
Хариулах