ШУУРХАЙ : Оршуулах ажиллагаанд оролцсон 40 хүний зургаагаас нь халдвар илэрсэн

Онцгой байдлын ерөнхий газрын дэд дарга, хурандаа Б.Ууганбаяр :

Иргэд гэрийн тусгаарлалтын дэглэмийг огт баримтлахгүй байна. Мөн хөл хорио тогтоосон энэ үед найз нөхдөөрөө нэгнийдээ цуглаж, согтууруулах ундаа хэрэглэх явдал гарсаар байна. Тодорхой жишээнүүд дурдъя. Нэг хүний төрсөн өдөрт 20 гаруй хүн цугласнаас нэг иргэнээс халдвар илэрсэн. Хоёрдугаарт, коронавирусийн шинж тэмдэг илэрсэн нэг залуу гурван найзаа дуудаж, согтууруулах ундаа хэрэглэсэн тохиолдол гарсан. Үүгээр зогсохгүй Хавдар судлалын үндэсний төвд нас барсан иргэн О-г оршуулах ажиллагаанд 40 орчим иргэн оролцсон. Түүнээс зургаан хүний PCR шинжилгээгээр коронавирусийн халдвар авсан нь батлагдсан.