ШУУРХАЙ : 12 сарын 8-16-ны хооронд БЗД-ийн нэгдсэн эмнэлгээс гарсан 300 гаруй хүнийг олж, шинжилгээнд хамруулна

А.Амбасэлмаа:

 -БЗД-ийн нэгдсэн эмнэлгийн голомтоос бүртгэгдсэн 62 тохиолдлын 12 нь эмч, эмнэлгийн ажилчид бол 6 хүн нь сахиур байна.

Түүнээс гадна найман хүн нь арванхоёрдугаар сарын 11-16-ны хооронд тус эмнэлэгт эмчилгээ үйлчилгээ хийгээд эмнэлгээс гарсан байсан. Харин үлдсэн хүмүүс нь эмнэлэг дотор байсан өвчтөнүүд байгаа юм.

Тухайн эмнэлгээс гарсан байсан 8 тохиолдлын зарим нь гэртээ байсан бол зарим нь ажил үүргээ гүйцэтгээд явж байсан. Тиймээс тэдгээр иргэдийн хавьтлыг тогтоож, ажлын газрынх нь хүмүүсийг тусгаарлах арга хэмжээ авч байна. Ямартай ч тэд их олон хүнтэй газраар явсан, олон хүн хамарсан газар ажилладаг тухай мэдээлэл одоогоор байхгүй.

Бид арванхоёрдугаар сарын 8-16-ны өдрийн хооронд БЗД-ийн нэгдсэн эмнэлгээс гарсан хүмүүсийг олж, дахин шинжилгээ хийж байгаа. Тус хугацаанд эмнэлгээс гарсан 300 гаруй хүн бий.

Тус эмнэлэгт хэвтээд гарсан иргэд ХӨСҮТ-д хандаж, шинжилгээнд орох хэрэгтэй.