ШУУРХАЙ МЭДЭЭ : ЭМЯ /2020.12.17/ Улаанбаатарт таван хүнээс коронавирус илэрсний хоёр нь Баянзүрх дүүргийн эмнэлэгт хэвтэж байжээ

Баянзүрх дүүргийн IX хороонд коронавирусийн сэжигтэй тохиолдол бүртгэгдсэн талаар өчигдөр орой мэдээлсэн. Тус эмнэлгийг шөнийн 23:55 цагийн үед цагдаагийн хамгаалалтад авч, орох гарах хөдөлгөөнийг бүрэн хаасан юм. Тодруулбал, тус хорооны "Энх-Энэрэл" өрхийн эрүүл мэндийн төвөөр үйлчлүүлж байсан нэг хүнээс түргэвчилсэн оношлуураар халдвар илэрсэн гэх мэдээлэл цацагдсан.

ХӨСҮТ-ийн Тандалт, судалгааны газрын дарга А.Амбасэлмаа:

Өчигдөр нийт 10599 хүнд PCR шинжилгээ хийхэд таван хүнээс коронавирус илэрлээ. Эдгээрийн гурав нь батлагдсан тохиолдлын 2-3 дахь давтан шинжилгээгээр халдвар илэрсэн. Харин нөгөө хоёр хүн нь Баянзүрх дүүргийн эмнэлэгт хэвтэн эмчлүүлж байсан хүмүүс байна. Эмнэлэгт хэвтэх үедээ түргэвчилсэн шинжилгээ сөрөг гарч байсан ч 4-5 дахь шинжилгээгээр коронавирус илэрсэн. Тэгэхээр нууц үедээ эмнэлэгт хэвтсэн байна. Коронавируст халдварын дэгдэлтийн дараагаар эх уурхай нь тодорхойгүй өвчлөл энд тэндээс өвчлөл гарах тохиолдлууд байдаг.