PHOTO PAPARAZZI ： Монголын бүжгийн урлагт өөрийн гэсэн өнгө төрхтэй бүжигчин бол Бямбаа

Монголын бүжгийн урлагт өөрийн гэсэн өнгө төрхтэй бүжигчин бол Бямбаа юм. Тэрээр бүжиглэхээс гадна загвар өмсөгч, кино жүжигчин гээд олон гуншингийн эзэн. Өдгөө Монгол Улсын Үндэсний Урлагийн Их Театрын гоцлол бүжигчнээр ажилладаг М.Бямбаа маань ‘Зэрлэг цэцэгсийн хүлэмж’ киноны Яргуйн дүрд чадварлагаар тоглож бүжигчин, жүжигчин гэх хос нэрийг зүүсэн юм. Түүнээс хойш кинонд тоглох урилгад дарагдаж Шуугиан таригч МУСК, Миний эхнэр тагнуулч МУСК, Гэрлэн дохио МУСК, Манан зүсэгч МУСК зэрэг кинонд тогложээ. Мөн мэргэжлээрээ ажиллахаас гадна үндэсний хэмжээний томоохон бүжгийн шоу болох ‘Perfect dance’ нэвтрүүлгийн шүүгчээр ажилласныг түүний фэнүүд андахгүй бизээ. Бүжигт зүрх сэтгэлээрээ дурлан, түүний мөн чанарыг өөрийн амьдралдаа нэвт шингээн мэргэжилдээ шунан дурласан бүсгүй М.Бямбаа маань  гал голомтоо бадраан аз жаргалтай гэр бүлийг үүсгэжээ.  Саяхан хуримаа тунчиг дуулиан шуугиан багатай даруухан хийсэн  бүжигчин М.Бямбаа  бал сараа Солонгос улсад тэмдэглээд ирсэн гэдэг . Хоёр дахь охиноо өлгийдөн аваад удаагүй бүжигчин бүсгүй маань "Carradli" шоун дээр манай папараццид өртлөө.