PHOTO PAPARAZZI : Соёл урлагийн газрын дарга асан Ж.Дамдинцэрэнг урд эрхэлж байсан ажилд эргүүлэн томилох шийдвэр гарч ээ

Moderator
2020/12/11

Тэрбээр өнөөдөр өөрийн цахим хуудсандаа : 

“АЖИЛ ДАХИН ЭХЭЛЛЭЭ

Нэг жил хагасын өмнө Нийслэлийн Соёл, урлагийн газарт ажиллаж байхад хэсэг бүлэг хүмүүсийн эрх ашиг, хувийн сонирхол, гүтгэлэг, цуурхал, явуулга дээр тулгуурлан Засаг дарга /тухайн үeийн/ сахилгын шийтгэл нэрийдлээр ажлаас халах тушаал гаргасан.

Үүний дараа миний биe нотлох баримтгүй, Төрийн албаны хуулийн зохих шаардлагыг хангаагүй, үндэслэл муутай шийдвэр гэж үзээд шүүхэд хандан үнэн мөнийг нь тогтоолгож, эрхээ хамгаалж, нэр төрөө сэргээлгэхээр хүсэлт гаргасан юм.

Энэ хугацаанд:
- Нийслэл дэх Захиргааны хэргийн анхан шатны шүүхийн Шийдвэр /2019.10.11/,
- Захиргааны хэргийн давж заалдах шатны шүүхийн Магадлал /2020.02.06/,
- Монгол Улсын Дээд шүүхийн хяналтын шатны захиргааны хэргийн шүүх хуралдааны Тогтоол /2020.05.13/,
- Нийслэл дэх Захиргааны хэргийн анхан шатны шүүхийн Шүүгчийн Захирамж /2020.07.24/,
- Нийслэл дэх Захиргааны хэргийн анхан шатны шүүхийн Гүйцэтгэх хуудас /2020.07.24/,
- Шүүхийн Тогтоол /2020.09.30/ зэрэгт урд эрхэлж байсан ажилд эгүүлэн томилох шийдвэр гарч байсан боловч тухай бүрт нь НЗДТГ /тухайн үeийн/-аас хоног хугацааг аль болох сунгаж удаашруулах, давж заалдах, тайлбар гаргах, ээлжийн амралт таарсан учир биeлүүлэх боломжгүй байна гэх мэтчилэн зунгааралдуулсаар шүүхийн шийдвэрийг хэрэгжүүлэлгүй байсаар шинэ Засаг, шинэ тогтолцоотой болж асуудлыг шийдвэрлэн /2020.12.10/ өнөөдөр /2020.12.11/ ажилдаа буцаж орлоо.

Ямар нэг албан тушаал хашихад хэн нэгний нөмөр, аль нэг бүлэглэлд орж байж бүтдэг гэх яриа нийгэмд байдаг. Үнэнийг хэлэхэд “Би ингэхэд хэний фракц, хэний хүн юм бол?!” гэдгээ мэдэхгүй. Заавал нэг бүлэглэл, эсвэл нэг хүний ивээлд байх ёстой гэдгийг ойлголгүй өнөөдрийг хүрчээ. Мэдээж ажил дээр санаа бодол, гар хөл нийлэх нийлэхгүй олон асуудал гардаг. Тэр болгоныг хийe бүтээе гэсэн сэтгэл байвал ойлголцоод шийдэж болдог. Харин ойлголцохгүй бол зам замаа хөөсөн нь амар байдаг. Залуучууд бидний хувьд сандал суудал гэхээсээ мэдсэн сурсан, санасан бодсоноо ажил хэрэг болгохын төлөө зүтгэж явах нь урамтай.

Энэ хугацаанд Нийслэлийн Соёл, урлагийн газрын хамт олон болон даргаар ажиллаж байсан Ч.Бат-Эрдэнэ та бүхэнд талархаж байгаагаа илэрхийльe.

Нийслэл хэмээх их айлын арын албанд дахин зүтгэх боллоо. Эрхэм найз нөхөд минь дэмжээрэй!” гэв


Сэтгэгдэл (3)

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
  • 202.21.108.39
    2020/12/12

    Mundag shuu. Jantsannorov gyuan huu munuus munduu

    Хариулах
  • 66.181.191.91
    2020/12/12

    zagvariin nzuudaa daguulj baga gomlts

    Хариулах
  • 66.181.161.123
    2020/12/11

    Жанцанноров гуайн хүү мөн үү ?

    Хариулах
Сүүлд нэмэгдсэн мэдээ
3 цаг

А.Баяр: Хүүхдийн болон гэр бүлийн хүчирхийллийг таслан зогсооход НИТХ болон 9 дүүргийн 93 эмэгтэй төлөөлөгч хамтрахыг уриалъя
3 цаг

“Нарлаг Монголын малчин” хөтөлбөрийг үндэсний хэмжээнд хэрэгжүүлж, малчдын эрх ашгийг хамгаална
3 цаг

Бүгд Найрамдах Киргиз Улсын Элчин сайдыг “Найрамдал” медалиар шагналаа
3 цаг

“Тэмээн дээрээс наран ойрхон” өвлийн их наадам Дундговь аймагт өнөөдөр эхэлнэ
3 цаг

Ерөнхийлөгч У.Хүрэлсүх орон нутагт ажиллаж малчидтай уулзана
3 цаг

Хамтарсан удирдлага, оновчтой менежментээр Түр хамгаалах байрны орчин, үйлчилгээг жишиг түвшинд хүргэжээ
22 цаг

Жендэрийн эрх тэгш байдлыг хангах цахим нөлөөллийн аян, олон нийтийн үйл ажиллагаа зохион байгуулав