News paparazzi: Дараалсан тагнах, чагнах ажлын ард Ерөнхийлөгч Х.Баттулга байна уу

Moderator

2020/12/10

Ерөнхий сайдын зөвлөх А.Үйлстөгөлдөрийн албан өрөөнд нууц камер байршуулсныг өнгөрөгч баасан гаригт олж илрүүлсэн талаар бид өмнө нь мэдээлсэн. Тэгвэл үүнтэй холбоотойгоор Ерөнхий сайдын ажлын албаны 10 орчим өрөөнд энэ сарын 07-ны өдөр /2020.12.07/ шалгалт хийхээр болжээ. Ажлын албаных нь өрөөнүүд Төрийн ордны зүүн жигүүрт байрладаг.

Ерөнхий сайдын зөвлөх А.Үйлстөгөлдөрийн албан өрөөнд нь нууцаар дуу, дүрс бичлэгийн камер байршуулсан уг хэрэгт Засгийн газрын IT хариуцсан ажилтан Б тогтоогдон, байцаагдаж байгаа юм. Тэрбээр уг ажлыг хийснээ өөрөө хүлээн зөвшөөрсөн гэх мэдээлэл байгаа юм.

Үүнээс өмнө ЗГХЭГ-ын дарга Л.Оюун-Эрдэнийн өрөөнд мөн гүйцэтгэх ажиллагаа явуулж тагнаж, чагнасан гэх мэдээлэл гарсан. ЗГХЭГ-ын дарга Л.Оюун-Эрдэнэ эл асуудлаар УИХ-ын Тусгай хяналтын дэд хороонд өргөдөл гаргаж улмаар тус хорооноос прокурорт шилжин шалгагдаж буй. Энэхүү хэрэгт ТЕГ-ын дарга асан Т.Гэрэл зэрэг нэр бүхий хүмүүст эрүүгийн хэрэг үүсгэн шалгаж буй юм.

Үүний дараа Сангийн сайд Ч.Хүрэлбаатарын яаман дахь албан өрөөнд хамгаалалтын албаны ажилтан нэвтэрсэн. Энэ хүнийг тагнуулч байсан, камерын зайгаа солих гэж байгаад баригдсан гэх мэдээлэл тухайн үед гарсан юм.

Тэгвэл энэхүү шил дараалсан үйл ажиллагааг хэн зоригтой зохион байгуулж байна вэ гэдэг мэдээлэл олны анхаарлыг татаж байна. Ерөнхий сайдын пи ар хариуцсан гол зөвлөх болон ЗГХЭГ-ын даргаар оролдож чадах хүмүүс МАН дотор үгүй бөгөөд харин үүний ард улс төрд 01 гэж дуудагддаг Ерөнхийлөгчийг байх магадлалтай гэх яриа улс төрийн хүрээнд яригдаж байна.

Ирэх жил Ерөнхийлөгчийн сонгууль болох бөгөөд одоогийн төрийн тэргүүн Х.Баттулга АН-аас дахин өрсөлдөх өндөр амбицтай байгаа. Тиймээс ч тэрбээр АН-ыг бүхэлд ньэнэ чиглэлд хөдөлгөж буй. Харин МАН-аас Ерөнхий сайд У.Хүрэлсүхийг өрсөлдөнө гэх мэдээлэл бий. Энэ нь нэгэн цагт хүзүү, толгойгоороо холбогдож эвтэй найртай явсан энэ хоёр эрхмийг муудалцахад хүргэсэн бөгөөд сүүлийн үед ил үг, үйлдэл шидэлцэх болсон.

Үүний л илрэл нь эдгээр тагнах, чагнах ажиллагаа байв уу гэж улс төрийн хүрээнд ярьж байна.

Эх Сурвалж Isee.mn

Сэтгэгдэл (7)

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.

66.181.161.67

2020/12/12

Доржзодов хэнийг хамгаалж гарч ирлээ. Хэдийд гарч ирлээ. Ерөнхийлөгчийн сонгуулийн үеэр УИХ -ын даргынхаа бичлэгийг хэн нийтэд ил болгоод хаана нуугдлаа гээд хоорондоо холбоотой байж мэдэх асуудал байж болох уу
Хариулах
64.119.24.234

2020/12/12

huukiin zasag mash sul yum.bugdiig n ogtsruulj boldguimuu...mongol yalna yu gej chagnahiim
Хариулах
66.181.178.64

2020/12/11

Bolij uz erunhilugch tim yum hih hun bish harin naad huuk chn ner hundee aldaad irenguut iimerhu hereg sedj battulgigaa harluulh gne hnch itghgui hrinch ard tumni zevuig ulam uduuj bna
Хариулах
192.82.72.248

2020/12/11

больж үз
Хариулах
66.181.182.78

2020/12/10

za erguuteed baigaarai..tagnuul chini eronhii saidiin medeld bdag
Хариулах
192.82.65.34

2020/12/10

баттулга , оюун-эрдэнэ 2-н хор уу
Хариулах
202.126.90.147

2020/12/10

Худлаа юм бичихээ болио.өөр хоорондоо л намын нөхдүүд л байгаа.удахгүй тодорно.миний мэргээр үзхэд тийм бууж бн.
Хариулах