ЗАСГИЙН ГАЗАР : Хөл хорионы хэсэгчилэн дэглэмийг 10 хоног сунгахаар боллоо

УОК-ын дарга Я.Содбаатар, 11-р сарын 10-наас хойш бүх нийтийн бэлэн байдлын дэглэм тогтоосон. Хөл хориог хатуу тавьснаар өвччлөлийн тархалтыг 10 дахин бууруулсан гэсэн тооцоог судлаачид гаргаэ байна. Өнөөдөр халдвар 784 байна. Хатуу хөл хорио тавиагүй бол 3400 гаруй хүн өвчилсан байх магадлалтай байжээ. Хөл хориог 14 хоног сунгах ёстой гэж ЭМЯ, мэргэжлийн байгууллагууд саналаа хүргүүлсэн. Салбар салбарын мэргэжилтнүүд хөл хориог 10 хоногоор сунгах шийдвэрийг УОК гаргасан. 

Засгийн газрын хуралдаанаар гаргасан шийдвэрүүд: 

• Халдвар тархаагүй, халдварыг хяналтад авсан аймгуудад бүх нийтийн бэлэн байдлын дэглэмийг нэг шат бууруулж,  өндөржүүлсэн бэлэн байдлын зэрэгт шилжүүлж байна.   
• Улаанбаатар хот, Сэлэнгэ, Архангай аймгуудад бүх нийтийн бэлэн байдлын зэргийг хэвээр үлдээж, 10 хоногоор сунгаж байна.   
• Өвчлөл гараад, тогтоон барьсан Орхон, Дархан-Уул, Говьсүмбэр, Дорноговь аймгуудын зэргийг бууруулж, өндөржүүлсэн бэлэн байдлын зэрэгт шилжүүлж байна. Аймгууд дотроо тээврийн хэрэгслийн хөдөлгөөнийг хянаж, халдвар хамгааллын дэглэмийг 10 хоногт чанд мөрдөнө.   
• Халдвар гараагүй аймгуудад доторх хөдөлгөөнийг чөлөөлж, бай байна. Аймаг хооронд хөдөлгөөн хийхгүй. 

Үйл ажиллагааг нь хязгаарлахгүй салбар:

1. Хэвлэл мэдээлэл, харилцаа холбоо, шуудан
2. Цахилгаан, дулаан, усан хангамж, ариутга татуурга
3. Газрын тосны бүтээгдэхүүн, түлшний хангамж
4. Хүнсний үйлдвэрлэл, худалдаа, тээвэрлэлт, түгээлт, ханган нийлүүлэлт /хайпермаркет, супермаркет, минимаркет, хүнсний дэлгүүр, бөөний төв, агуулах, хүнсний зах, мал, амьтны тэжээл/
5. Эрүүл мэндийн байгууллага, эмийн сан, эм, эмнэлгийн хэрэгсэл ханган нийлүүлэх байгууллага
6. Хог хаягдлын цэвэрлэгээ, ачилт, цуглуулалт, тээвэрлэлт, устгал, золбин нохой, муурын устгал
7. Ариутгал, халдваргүйжүүлэлт, нийтийн бие засах газар
8. Банк санхүү, хөрөнгийн бирж
9. Оршуулга
10. Өвс, тэжээлийн нөөц бүрдүүлэлт, сайжруулсан болон баяжуулсан түлшний үйлдвэрлэл, нийлүүлэлт, түгээлт, тусгай зөвшөөрөл бүхий байгууллагын түлш тээвэрлэлт
11. Шүүх, прокурор
12. Онлайн худалдаа
13. Хэвлэх, сав баглаа боодол
14. Модон эдлэл, материалын үйлдвэрлэл
15. Хүргэлтийн үйл ажиллагаа
16. Боловсруулах үйлдвэр, арьс шир ноос ноолуур, барилгын материал
17. Тусгайлсан чиг үүрэг бүхий байгууллага /гамшгаас хамгаалах, мэргэжлийн хяналт, цагдаа, зэвсэгт хүчин, гааль, татвар, байгаль орчныг хамгаалах, улсын бүртгэл, гадаадын иргэн, харьяатын асуудал эрхлэх, дипломат болон тусгай алба/
18. Улсын онц чухал болон стратегийн ач холбогдол бүхий обьект, байгууллага /Гадаадын дипломат төлөөлөгчийн газар, НҮБ-ын суурин төлөөлөгчийн газар, Нийслэлийн замын хөдөлгөөний удирдлагын төв, “Улаанбаатар төмөр зам” ХНН, “Чингис хаан” олон улсын нисэх буудал, “Биокомбинат” төрийн өмчит үйлдвэрийн газар, Стандарт, хэмжил зүйн газар болон Үнэт металлын сорьцын хяналтын газрын байр, Үндэсний дата төвийн нөөц төв/-ийн үйл ажиллагааг хязгаарлахгүй юм.