ШУУРХАЙ : Архангай аймгийн иргэн Б түүний 5 настай хүүгээс коронавирус илэрч хоёр суманд хатуу хөл хорио тогтоолоо

Архангай аймгийн Батцэнгэл суманд бүртгэгдсэн сэжигтэй тохиолдол болох иргэн Б болон 5 настай хүүгийнх нь PCR шинжилгээний хариу эерэг гарчээ. Энэ хүрээнд Аймгийн Онцгой комиссоос өвчин илэрсэн иргэний 1-р хавьтлын хүмүүсийг тусгаарлан шинжилгээнд хамруулж, явсан газрын маршрутыг тодорхойлж байна. Ихтамир сумын 3-н иргэн тухайн айлаас очиж идэш авсан буюу 1-р хавьталд байгаа юм. Тэдгээр иргэдийн түргэвчилсэн шинжилгээний хариу сөрөг гарсан, одоогоор Ихтамир суманд тусгаарлаад байна. Энэ дагуу аймгийн Засаг даргын захирамж гарч Батцэнгэл, Ихтамир сумдад 11-р сарын 28-ны 16:00 цагаас 12-р сарын 1-ний 16:00 цаг хүртэл 72 цагийн хатуу хөл хорио буюу 0 зогсолт хийх шийдвэрийг гаргалаа. Архангай аймгийн хувьд бусад сумд болон аймгийн төвд хатуу хол хорио зарлаагүй өмнөх шийдвэрийн дагуу бэлэн байдлын зэрэг байгаа. ХӨСҮТ-өөс аймгийн Онцгой комиссод 11-р сарын 27-ны өдөр Ковид19-ийн батлагдсан тохиолдлын нэг дүгээр хавьтагч Иргэн Б-г энэ сарын 15 ны өдөр гэр бүлийн хамт Улаанбаатар хотоос Батцэнгэл суманд ирсэн гэдгийг мэдээлсэн юм. Энэ хүрээнд аймгийн Онцгой комисс шуурхай арга хэмжээ авч ажиллаж байна.Иргэд та бүхэн айж сандралгүй дор бүрнээ гараа сайн угааж маскаа сайн зүүж хэвшээрэй.Аюул ойрхон байна вирус хэнийг ч ялгахгүй...