News Paparazzi: Жолооч Д-гийн ахынх нь эхнэр, хүүхэд хоёроос халдвар ИЛЭРЛЭЭ

ЭМЯ-наас 17.00 цагт мэдээлэл хийхдээ найман тохиолдол шинээр илэрсэн талаар мэдээлсэн. Үүний нь нэг нь жолооч Д-гийн ойрын хавьтал, дөрөв нь тусгай үүргийн онгоцоор ирсэн иргэдийн давтан шинжилгээ, нэг нь Алтанбулагийн боомтоор орж ирсэн иргэн, нэг нь ХӨСҮТ-ийн эмч гэж мэдээлсэн юм. 

Тэгвэл иргэн Д-гийн ойрын хавьтлын хоёр хүнээс буюу ахынх нь эхнэр, хүүхэд хоёроос КОВИД-19 илэрсэн талаар ЭМ-ийн сайд асан, БОАЖ-ын сайд Д.Сарангэрэл мэдээллээ. 

Тэрбээр "Жаргалын удаан, зовлонгийн хурдан гэдэг дээ. Иргэн Д.гийн ахын эхнэр, хүүхэд 2-оос вирус илэрснийг ЭМЯ сая мэдэгдлээ. Тиймээс вирус илэрсэн хүмүүстэй ямар нэгэн байдлаар холбогдсон хүмүүс хаагуур явсан, хэнтэй уулзсанаа нуулгүй хэлж, юмаа маш сайн эргэн санах хэрэгтэй байна.Хөл хорио дуусах гэж байхад дахин ойрын хавьтлаас халдвар илэрч буй нь том эрсдэл. Үндэсний аюулгүй байдал, улс орон, ард иргэд та бидний бүгдийнх нь асуудал шүү дээ. Хариуцлагатай байцгаая. Бид цөөхүүлээ" гэсэн юм.