News paparazzi: ЭМЯ: ХАЛДВАР АВСАН иргэний хадам ээж дүү 2-с коронавирусийн халдвар илэрч хавьтал болсон хүмүүсийг судалж байна

ХӨСҮТ-ийн ерөнхий захирал Д.Нямхүү "24 хүнийг эхний ээлжид тусгаарлан шинжилгээ хийхэд хоёр хүн халдвартай гарсан. Хадам ээж болон оюутан дүүгийнх нь шинжилгээний хариу эерэг гарсан. Энэ хоёр хүн цааш халдвар тараасан эсэхэд судалгаа хийж байна.

Судалгаа хийнэ гэдэг ярвигтай цаг хугацаа орсон ажил.

Шинэ илэрсэн хүмүүс дээр зовуурь байхгүй. Ер нь халдварын тохиолдлуудын 80 хувьд хөнгөн хэлбэрээр өвчилж байна. Өнөөдрийн байдлаар нэг хүний биеийн байдал хүнд буюу уушгинд нь нэвчидэс үүссэн байгаад тохирох эмчилгээг хийж байгаа.
Хэвлэлийнхэнд хандаж хэлэхэд мэдээллийг нэгдсэн журмаар өгөх нь хамгийн зөв юм. Тэр нь ч  Бидний ажилд тустай байна. Ээлжлээд маш олон хүн ажил хийлгэхгүй утсаар залгаад асууж байна. Ингэж хариулах нь бидний үндсэн ажил биш.

Бид та бүхнээс болоод дотроос хэн мэдээлэл гаргасан гэж бие биенээ хүртэл хардаж байна. Цаашлаад байгууллага дотор ажиллаж байгаа хүмүүс хагаралдах, биедээ гомдох зүйл гарч ирж байна. Ингэж болохгүй биз дээ.

Та бүхэнд хамгийн үнэн бодитой мэдээллийг өгөх гэж л ажиллаж байгаа шүү дээ. Бид их ядарч байна" гэв.

"Хүний эрхийн талаасаа зарлаж болох болон болохгүй мэдээллүүд байгаа"
Үргэлжлүүлэн УОК-ын хэвлэлийн төлөөлөгч Ц.Ганзориг "Нэгдүгээр хавьтлын 24 хүнээс гэр бүлийн хоёр хүнээс халдвар илэрлээ. УОК, ЭМЯ-ны нэг шугамаар мэдээллийг түгээж байгаа. Үүнээс өөрөөр албан бус эх сурвалжийн мэдээллийг түгээх нь олон эрсдэл дагуулж байна. Хүний эрхийн талаасаа зарлаж болох болон болохгүй мэдээллүүд байгаа. УОК, ЭМЯ-наас шинэ мэдээ мэдээллийг цаг тухай бүрд нь өгөхийг зорин ажиллаж байна" хэмээн хэллээ.