News paparazzi: Эрх баригч нам ийм эгзэгтэй үед бодлоггүй шийдвэр гаргаж байгаа нь үнэхээр ичмээр байна

Дөнгөж сая МАН-ын Удирдах зөвлөл хуралдаж Д.Сумъяабазрыг хотын даргаар сонголоо.

Энэ хүний тухайд гэж ярьвал Д.Сумъяабазар гэдэг хүн нэг их овойж оцойсон мэдлэг боловсролтой хүн биш гэдгийг монголчууд андахгүй сайн мэднэ. Өнөөдөр монгол улсын парламентад нэлээд хэдэн бөхчүүд сууж байгаа харагддаг.

Ний нуугүй хэлэхэд тэдгээр хүмүүс тийм ч мундаг мэдлэг чадвартай хүмүүс биш гэдгийг өнгөрсөн хугацаанд монголын ард түмэн хангалттай сайн харж авсан. 

Тийм байтал яагаад заавал монгол улсын төр засаг чадвартай мэдлэгтэй хүн олдохгүй байгаа юм шиг заавал нэг бөхийг сонгож дарга болгоод байгааг ерөөсөө ойлгохгүй байна.

Мэдээж алиалагч ч бай, бөх ч бай тухайн хүн өөрийн хэр хэмжээндээ л сэтгэж боддог нь хэнд ч ойлгомжтой.

Гэтэл өнөөгийн монголын төр засаг тэгэхээс тэгж байгаа юм шиг очиж очиж заавал ийм хүмүүсийг даргаар томилдог нь сонин.

Өнөөдөр нийслэлд шийдвэрлэх тулгамдсан асуудал хэдэн мянгаараа бий. Гэтэл ийм эгзэгтэй үед эрх баригч МАН нийслэлийн Засаг даргаар янз бүрийн хүн томилж, тийм бодлоггүй шийдвэр гаргаж байгаа нь үнэхээр ичмээр байна.

Үндэсний өв соёлоор далимдуулан УИХ-ын гишүүн болтлоо ард түмнээр өргүүлэн улс төрд орж ирсэн бөхчүүд Монголын төрд ямар ч хэрэггүйг өмнөх жилүүдийн баримтууд хангалттай харуулсан.

Тийм болохоор төрийн өндөр албан тушаалд  чадварлаг хүмүүсийг томилж тийм  хүмүүсийг УИХ-ын гишүүнээр сонгодог хуулийг яаралтай батлах шаардлагатай байгааг энэ дашрамд хэлье.

Ж.Чингис

Эх сурвалж: paparazzi.mn