News paparazzi: Нохойд хазуулж, толгойдоо олон оёдол тавиулсан хүүхдийн гэмтлийг хөнгөн гэж дүгнэжээ

Moderator

2020/10/20

Өнгөрөгч сарын сүүлээр бага насны нэгэн хүүхэд гэр хороололд сул явж байсан айлын нохойд хазуулсан хэрэг гарчээ. Уг хүүхэд нохойд хазуулсны улмаас толгойн тус газраа 15 оёдол тавиулсан бөгөөд мөн тархи нь хүнд гэмтсэн байна.

Гэтэл шүүх эмнэлэгийн зүгээс уг хүүхдийн гэмтлийг хөнгөн гэж тогтоосонд ар гэрийнхэн нь ихээхэн гомдолтой байгаа бөгөөд тэд хүүхэд хазсан нохойн эзэн 160 мянган төгрөг өгөөд салах ёсгүй гэж үзэж байгаагаа холбогдох газарт илэрхийлжээ.

Харин дээрх хэргийн талаар цагдаагийн байгууллагын албаны эх сурвалжаас тодруулхад "Хүүхэд нохойд хазуулсан гэх энэ хэрэг өнгөрсөн сарын сүүлээр буюу 20-оод хоногийн өмнө гарсан. Шүүх эмнэлгийн дүгнэлт хөнгөн гэж гарсан учраас энэ хэрэг Зөрчлийн хуулиар шийдэгдэнэ. Тодруулбал, Зөрчлийн хуулийн дагуу нохойны эзэнд торгууль ногдуулсан. Цагдаагийн байгууллага шүүх эмнэлгийн гаргасан дүгнэлтийг үндэслэж хэргийг шийдвэрлэнэ.

Хэрвээ шинжээчийн дүгнэлт хүнд гэж гарсан бол бид Эрүүгийн хуулиар шийднэ. Хөнгөн гэж гарсан учраас хуулийнхаа дагуу Зөрчлийн хуулиар арга хэмжээ авна" гэж мэдээлсэн байна.

Ж.Чингис

Сэтгэгдэл (3)

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.

103.212.116.245

2020/10/20

Монголын шүүх эмнэлэг гэж ажилаа мэддэггүй хэдэн нөхөд бдаг юм бна лээ уулна тэд чинь хуулийн өмнө тангараг өрөгсөн эмч хүмүүс шүү дээ яаж харахаараа ийм дүгнэлт гаргаад бдг юм болдоо тэр дүгнэлт гаргасан нөхөр ичээсэй.
Хариулах
121.7.223.163

2020/10/20

Nohoi end tui ch hamaagui, ezniig n buud
Хариулах
202.126.89.228

2020/10/20

Арай2 моннолын шүүх цагдаа авилгалд идэгджээ хүний хүүхдийг ийм аймар болгочихсон байхад арай ч дээ! Эзэнд нь маш хүнд шийтгэл оноох ёстой эсвэл нохойг нь бууд!
Хариулах