News paparazzi: Хээрийн сургуулилтын үеэр цэргийн алба хаагч гэмтсэн хэргийг цагдаагийн байгууллага шалгаж байна

Moderator

2020/10/09

Хээрийн сургуулилтын үеэр цэргийн алба хаагч гэмтсэн хэрэг өчигдөр Төв аймгийн Сэргэлэн сумын нутагт байрлах цэргийн ангид болсон байна. Мина харвагчийн сум дотроо гацаж дэлбэрсний улмаас цэргийн алба хаагч гэмтжээ.

Энэ талаар ЗХЖШ-ын Хуурай замын цэргийн командлалын Хэвлэлийн албанаас албан ёсны мэдээлэл өглөө. Уг мэдээлэлд: "2020 оны аравдугаар сарын 8-ны өдрийн байлдааны буудлагатай тактикийн хээрийн сургууль явагдаж байх үед Зэвсэгт хүчний дугаар ангийн ахлагч буудлагын үед гэмтэл авсан тул сургуулийн эмнэлгийн бүлэг яаралтай анхны тусламж үзүүлж, Гэмтэл согог судлалын үндэсний төвд шилжүүлэн эмчлүүлж байна. Гэмтсэн ахлагчийн биеийн байдал хэвийн байгаа бөгөөд уг асуудлыг цагдаагийн байгууллагаас шалгаж байна" гэжээ.

Ж.Бат

Сэтгэгдэл (0)

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.

Сэтгэгдэл бичигдээгүй байна

Сүүлд нэмэгдсэн мэдээ