News paparazzi: Л.Оюун-Эрдэнийг тагнаж чагнасан гэх хэргийг мөрдөн шалгаж байна

Moderator

2020/10/07

ЗГХЭГ-ын дарга Л.Оюун-Эрдэнийг тагнаж чагнасан хэмээн ТЕГ-ын 11 албан тушаалтныг яллагдагчаар татсан гэх мэдээлэл цацагдсан билээ.

Энэ талаар Нийслэлийн прокурорын газрын ерөнхий прокурорын орлогч Ц.Насанбатаас тодруулахад, “Энэ хэрэгт мөрдөн шалгах ажиллагаа явагдаж байна. Одоохондоо дэлгэрэнгүй мэдээлэл өгөх боломжгүй” гэсэн хариултыг өглөө.

Үүнээс өмнө ЗГХЭГ-ын дарга Л.Оюун-Эрдэнэ тагнаж чагнасан гэх асуудлаар УИХ-ын Тусгай хяналтын дэд хороонд хандсан бөгөөд тэрээр “Би Д.Гэрэл генералийг зүгээр өнгөрөөхгүй. Эцсийг нь хүртэл явна” гэж хэлж байсан юм.

Түүний хүсэлтийг Тусгай хяналтын дэд хороо прокурор руу шилжүүлсэн бөгөөд өдгөө прокурорын газар ЗГХЭГ-ын дарга Л.Оюун-Эрдэнийг тагнасан гэх хэргийг мөрдөн шалгах ажиллагаа явуулж байна.

Ж.Бат

Сэтгэгдэл (0)

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.

Сэтгэгдэл бичигдээгүй байна

Сүүлд нэмэгдсэн мэдээ