News paparazzi: Нүүрс тээврийн жолооч нар ажил хаялт зарлажээ

Манай улс БНХАУ-д худалдаалдаг нүүрсний нийлүүлэлтийг нэмэгдүүлэхийн тулд “Ногоон гарц” хэмээх журмын боловсруулж, өдөрт найман сая ам.долларын нүүрсний экспортыг хийж эхэлсэн билээ.

Энэхүү “шуурхай экспорт-ыг даган Таван-толгойн нүүрст ашиг сонирхолтой албан тушаалтнуудын өөр хоорондоо зөрчилдсөн шийдвэрүүд гарч эхэлснийг нүүрс тээврийн жолооч нар эсэргүүцэж, Засгийн газрын бүрэн эрхт төлөөлөгчийг томилох шаардлагыг ЗГХЭГ-ын дарга Л.Оюун-Эрдэнэд хүргүүлсэн ч өнөөдрийг хүртэл хариуг өгөхгүй байгаа учир нүүрс тээврийн жолооч нар ажил хаялт зарлан, жагсаал цуглаан хийж байгаа юм. 

Тэд энэ сарын 16-ны өдөр сануулах ажил хаялт зарласан бөгөөд харин өнөөдөр "Эрдэнэс-Тавантолгой" уурхайгаас хоёр дахь км-т 82 жолооч ажил хаялт зарлаад байна.

Тээврийн хөлс нэмэгдчихээд байхад цалин нь 1000 юаньд хүргэхгүй байгааг жолооч нар эсэргүүцэж тээврийн компаниудыг цалингаа нэмэхийг шаардаж үргэлжлүүлэн ажил хаяна гэдгээ мэдэгдэж байна. Тавантолгой-Гашуунсухайт чиглэлийн замд жолооч нар амь нас, эд хөрөнгө, эрүүл мэнд, цалин орлогоороо хохирсоор байгааг анхаарах хүнгүй байдаг ба тийм учраас төрөөс бүрэн эрхт төлөөлөгч яаралтай томилж өгөхийг жолооч нар шаардсаар байна.

Ж.Батдорж