News paparazzi: Оймсны гэх Н.Баярсайханд 2,8 жилийн хорих ял оноожээ

Moderator

2020/09/22

Өчигдөр Чингэлтэй дүүргийн Эрүүгийн хэргийн анхан шатны шүүхэд Мэргэжлийн хяналтын ерөнхий газар /МХЕГ/-ын Экспорт, импорт, хилийн хорио цээрийн хяналтын хэлтсийн дарга асан Н.Баярсайхан болон Э.Аззаяа, Ш.Тэгвандан, Г.Элдэв-Очир, С.Бүрэнтөгс, Д.Төмөрбаатар нарт холбогдох хэргийн шүүх хурал болж, шийдвэрээ гаргалаа.

Шүүхээс шүүгдэгч Н.Баярсайханыг Эрүүгийн хуулийн ерөнхий ангийн 3.7 дугаар зүйлийн 1 дэх хэсэгт заасныг журамлан мөн хуулийн тусгай ангийн 22.4 дүгээр зүйлийн 5 дахь хэсэгт заасан нийтийн албан тушаалтан хахууль өгөгчийн ашиг сонирхлын үүднээс албаны чиг үүргээ хэрэгжүүлсний хариуд хясан боогдуулах аргаар хахууль авах гэмт хэргийг бүлэглэн гүйцэтгэсэн гэм буруутайд тооцож, нийтийн албанд томилогдох эрхийг 5 жилийн хугацаагаар хасаж, 2 жил 8 сарын хугацаагаар хорих ял оноосон байна.

“Оймсны” гэх тодотголтой Н.Баярсайхан нар нь авлига авч байгаад үйлдэл дээрээ баригдсан бөгөөд УИХ-аас баталсан Эрүүгийн хуульд нэмэлт өөрчлөлт оруулах тухай хуулиар хэрэг хөөн хэлэлцэх хугацаа буурч, ийнхүү хэргээ шийдүүлж байгаа юм.

Ж.Батдорж

Сэтгэгдэл (2)

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.

66.181.191.249

2020/09/23

дараагийн дүү нар хоёр оймсондоо хийхийг үлгэрлэн заалаа даа, ийм ял өгөхөөр чинь!!!
Хариулах
202.70.34.114

2020/09/22

монгол улсад хууль гэж иймэл байгаам даа арай арай гэхэд дэндүү дээ.
Хариулах