News paparazzi: Олимпийн аварга Э.Бадар-Ууган БНСУ-д загасны дэлгүүрт ажиллаж байна

Монгол улсын хөдөлмөрийн баатар, Гавьяат тамирчин, "Бээжин - 2008" олимпийн аварга, Монголын үндэсний олимпийн хорооны Ерөнхий нарийн бичгийн даргаар ажиллаж буй Э.Бадар-Ууган коронавирусийн улмаас БНСУ-д гацжээ. Тэрээр тус улсад удаан хугацаанд байрлаж байгаа тул загасны дэлгүүрт ажиллаж байгаа аж.

Тодруулбал, энэ талаар олимпийн аварга цахим хуудастаа "Нутаг руугаа буцаж чадахгүй болохоор энд нэг иймэрхүү ажил хийгээд амьдарч байна даа. Миний монголчуудын хөлс энэ гадаад улс оронд хичнээн ихээр урсаж, чамд баяр баясал, гуниг харууслын алийг авчрахыг би таашгүй" гэж бичжээ.

Э.Бадар-Ууган 1998 оноос эхлэн боксын спортоор хичээллэж, дэлхий дахинаа эх орныхоо нэрийг олонтоо цуурайтуулсан шилдэг тамирчдын нэг билээ.